|
يا صغير السن
يا صغيّر السن
يا صغيّر السن رحتلي أكبر الهمي =يحن قلبي علاك ويرزم ارزامي لاجاء مضويك هاجوس العشاء يمي =ابات سهران هاك الليل ما انامي عليك دمع العيون مغرّقٍ كمي= مالي جدى غير عضّة راس الابهامي يابو نهودٍ صغارٍ طلعهن زمّي = مشلعاتٍ بجيب الثوب قدامي معاد خليت فيّه قطرة الدمي= جسمي نحل ما بقى الا جلد وعظامي والصبر طوّل وعيا الشمل يلتمي=بيني وبينك تقافن جرد الاعوامي بغيت اعمّر فرح قلبي ولا تمّي=ضحك عليّ الزمان وضيّع احلامي عايض العتيبي |
الله الله
صح لسانك يابو جزاء جوهره محبوكه ومتعوب عليها راق لي كثيرها من ناحية تسلسلها وجزالتها ابدعت شاعرنا وليس غريب عليك الابداع مروري يسبقه ختم التميز واحلى فايف ستار |
صح لسانك الصراحه نص فخم ومرتب
|
صح الله لسانك ياعايض
ابدعت وامتعت ولاهنت كما تعودنا من سموك الابداع والامتاع وفخامة الحضور دمت ودام مداد قلمك ورقي حرفك تقديري لسموك النجلاء |
عايض العتيبي صح لسانك ملايين نص شاعري جميل وكله فخامه من شاعر مبدع وجزل يعطيك العافيه تقديري لسموك |
صح لسانك وسلم منطوقك شاعر مبدع وجزل
استمتعت بتواجدي بمتصفحك دمت بخير وسعاده دائمه |
صح لســانك واعتلا شانك
|
اقتباس:
وهذاء من ذوقك جعلك تسلم ومشكور ماقصرت على الاطراء وعلى ختم التميز وعلى مرورك المشرف اللذي هو بحد ذاته تميز للموضوع تحياتي وتقديري لك دمت بخير |
| الساعة الآن 10:49 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir