‏سرياقلم واكتب علي البيض تعبير=
من هاجسن دكت عليه الطواري
وليله سري ما بين همن وتفكير=
تلعب به الدنيا وشاف العزاري
تسبل عيوني بالدمووع المحااادير=
وكن قلبي يقطع بحد الشبااري
وتضرب معااليقه بحد البواااتير=
سيوف هندن مرهفاتن عواري
يضرب بها قرمن براسه سعاطير=
لي اختلط عج الرمك واستثاري
الي عليت برآس مرقابي عصير=
قبل الغروب وحل وقت الغداري
انحت حزن نفسي علي الصخرويحير=
ويبين للرحمه عليها المواري
يا ليتني من راس مرقابي آطير=
واشلع بعالي الجو واطلق زراري
ما عاد ابي في لارض حل ومداوير=
ابرك لي من العيش فيها انتحااري
واستغفر الله يا عسي في لامر خير=
هو الوحيد اللي بالاحوال دااري
يا ذيب لي حل المساء وااصل السير=
مادامهم سموك ذيب المساري
واصبر بوقتك لي حصل فيه تقصير=
لا تنكسر ويطيح عزمك حذاري
مالك علي الهين وكسبه معااذير=
دامك علي كسب الصعيبات ضاري
حمد بن سايمه