هلّا بك القلب الحنون ويراعيك=والعين من زود الوله لك تعيبه
لا تعتقد قلبي قسى ما يداريك=وأنتي على عرش الغلا لي حبيبه
شريان قلبي دامي الحب قافيك= يروي عروقك تسمعه في دبيبه
رمش العنا لمّك بعيني يباريك= يدفيك بالشوق و اتحس بلهيبه
وإذا عجزت بيوم وأزريت الآقيك= طيفك بعيني يا غلا مكتفيبه
من زايد الأشواق روحي تناديك=ورهنت لك جملة حياتي ضريبه
أرخصتلك عمري كذا كيف أجافيك= قلبٍ تمنّاك و مناته تطيبه
قلبٍ هواك و ميّتٍ هو وانا فيك=في شوفتك كل السعد لي تجيبه
وعشم لنفسٍ يا منى الروح تغليك=ترخص لقلب ٍ يا غلا ما تخيبه
كل المحبه والأحاسيس تسقيك=وكوني من اللي ما رخص بك قريبه
وإن ما قدر في وقتها لا يراضيك=منك العتب لو زاد ما هي غريبه
كل المشاعر والموده تغطيك=وان غبت عن قلبي هواجس تصيبه
في كل ميزان ٍ من الشوق أبا أغليك=ولا رحت لك مثلك قمر في مغيبه

المشاركة الأصلية كتبت بواسطة النجلاء (المشاركة 360514) آلله آلله ياسلام عليك ياسامي وصح الله لسانك مدد بلا عدد نص فاخر وكايف من شاعر جزل ومبدع لاعدمنا وجودك وفخامة حضورك تقديري وتقييمي لسموك النجلاء http://btaentertainment.com/images/5-star-gif.gif