![]() |
هلا
هلا مرحبا ترحيبةٍ وافيه واتزيد=على ما يكنه خاطر العود وايريده تحيه لمن هو صايرٍ للمعاني سيد=اكرر له الترحيب تقدير واعيده (لكلٍ من اسمه قسم)راي ويبي توكيد=على من لديهم معرفه فيه توكيده (هواوي)لقب يطلق مجازف على عديد=من اومور..ابا احاول لك اليوم تفنيده (هواوي)جهاز ايبث الارسال من بعيد=من عبر الاثير ويحكم البث وايزيده (هواوي)معلق تعصف الريح به واتهيد=مثل (دلو )في هداج تومي على حيده يوصف على قلب الفتى الواهي الرعديد=وانا عارفٍ من قال ماكان ذا ميده (وهواوي)لقب من قلبه مولعٍ بالغيد=يلاعي حمام الورق نوحه وتغريده عن دربٍ يودي يمهن مستحيل ايحيد=لو انه وعر بالحيل ويكيد تعبيده من ايمر به حاشاه يسلم من التنكيد=لاشك ايتحلوى مُرْ غبنه وتنكيده صبورٍ على مافيه من بهذله. وايشيد=بماحققه.لو ما طلع فايده بيده ولا يرعوي للصاحب الناصح الرشيد=يعده عدو.وكل ما قال من كيده |
الله الله
صح لسانك يابو عبيد جزله وكايفه من شاعر جزل رد وافي وكافي مروي يسبقه اعجابي |
آلله آلله
ياسلام عليك يالهوآوي صح الله لسانك على هالصباحيه العذبه والتوصيف الرائع ابدعت وامتعت كما تعودنامن سموك تقديري لك النجلاء |
يا سلام عليك شاعرنا الهواوي وصح لسانك على هذه القصيدة والتي يبدو لي أنها مجاراة لقصيدتي والتي تخصك شخصيا .. والمنشورة في السلاطين ،، والحقيقة أنك هواوي وما فيك حيلة ماشاء الله عليك .. وأرى لزاما على نشرها هنا لأن شخصك الكريم يستحق الإشادة والشكر والتقدير ,, |
شاعرنا العذب محمد الغنامي صح بدنك ولاهنت وبيض الله وجهك
تحياتي وتقديري |
النجلاء هلابك وصح بدنك ولاهنتي ودمتي وسلمتي
تحياتي واحتراماتي |
ابو عامر طبعا هي مجاراة لقصيدتك
صح لسانك وبدنك ولاهان راسك وبيض الله وجهك تحياتي وتقديري |
القدير
ناصر الهواوي لله درك الامتاع والابداع في الشعر لا يكتمل الا بتواجد حرفك السخي بالكلمه والمعنى والقاف سجل اعجابي الشديد بشعرك وتقبل الورد وكل عام وانت بخير وصحة اخوك ابو احمد |
الساعة الآن 07:10 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir