واداعب خصرك الميال واحرق فرحه العذال=وتقرين الغلا في قلب من حبك من عيونه
اعيد الذاكره عند الرسوم الي على الاطلال=حدث شئ من الماضي هنا ماعاد يلقونه
انا لايمكن انسى عنك في حال من الاحوال=هذا شي من الله والاوادم مايخلقونه
فديت خدودك الي فوقها الرمش الكثيف ضلال=يفوز ابها الحضيض وعشقة الي مات بغبونه
على نور القمر هذاك فنجال وذا فنجال =هذا خلق العظيم وحضي الي طاح من دونه
الا يالله بحسن الخاتمه في صالح الاعمال=بيوم(ن) تشخص الابصار والاعمال موزونه
مادام المهره الي في طلبها يتعب الخيال=يجيها راعي المليون ويعود بمليونه
انا مطلب يكود الحاجه الي ماتجيب المال=من الي في رجاه وباسمه عباده ينادونه
ليامنه وقف نبض الحياه وقف الارسال= تمر مع الطريق الي عباد الله يمرونه
لك الله لو يمرك كل خد فيه حبة خال=معاد تلد فيه اعجاب في شكله وفي لونه
معا طول الامل عند الابن ادم يقصر الاجال=نهايتها سوا الامال والاجال مقرونه
على هدي السراط اطلب من الله رحمته واسأل=هو اللي مايخيب من رجاه ومن طلب عونه