ردي على محمد الروقي

الا يا محمد جاء كتابك بلا مظروف = على صفحةٍ تحمل رسوم وتواقيعي
عبر ما يسمى ب انترالنت يوم يحوف = عموم الفضا ما في العلاقات تطبيعي
تمجّد ولاة الأمر حماّية المعروف = زبون المجلّا ستر خشفٌ مفاريعي
عقب ما زبنا الجار مستفزع الملهوف = حكومة وشعب ودين وحدود و الريعي
شكى من عدو وفرس ولهم هدف مكشوف = و اصول العرب حنا ولا فيه تجميعي
جنود وقيادة في خليج العرب مشيوف= عهدهم عقيدة طايع الله له نطيعي
نهض قايدالأمة بحزم وعصف عاصوف= تنفّذ مهمة , واقع الأمر ما ذيعي
مهمة للأمة و الأمر جامع و معطوف= هجدهم هجاد و واصل القصف تنويعي
قنابل تدك الارض ما فيه ضرب سيوف = وصواريخ تقصف للمباني جناديعي
على طايراتٍ والكباتن سطرهم نوف = من فعولهم تشيب روس المراضيعي
تحت راية التوحيد دوم التعب مخلوف = بـ./ نصر أو شهادة ما نهاب المجاميعي

صح لسانك شاعرنا
حضور ملكي ونص بالغ الجزاله بكل مقاييسه
دمت بود وتقدير