شبكة رواسي نجد الأدبية - ولو المراجل حلـو ملبـس ومنطـوق=كـان المـراجـل كلـهـا للصبـايـا

يقول سعود البدر

لــــك الــســلام يــســـاق يــاراعـــي الــنـــوق

ولـــــــــك الـــمـــعـــزه والــــغـــــلا والــتــحـــايـــا

اعــداد مايمـشـي عـلــى الارض مـخـلـوق

واعــــــــداد مــابــالــقــاع دكــــــــت مــطـــايـــا

واعــــداد مـايـشـتـاق عــاشــق لـمـعـشــوق

واعـــدادهـــاجــــوسٍ بـــــعـــــوج الــحـــنـــايـــا

جـيـتـك اســـوق مـــن المعـالـيـق طـــاروق

وابـــــوح لـــــك مــمـــا لــجـــا فـــــي خــفــايــا

الـقــلــب يـامـحــمــد لـــلاســـرار صـــنـــدوق

والـنـفـس ضــاقــت مــــن جـمـيــع الــزوايــا

لــجــت ضـلـوعــي وانــمــزع كــــم مـعـلــوق

وذيـــــــاب حـــزنــــي بـالـضـمــايــر عـــوايــــا

بـأسـبـاب وقــــت خـافـقــي مــنــه مــرهــوق

وانـــــــا مـــــــن الــدنـــيـــا تــــزايــــد عــنـــايـــا

دنيـا الـردى لاهــل الــردى صــارت تـلـوق

وقـــامــــت تـــســــوي بـالـنـشــامــا ســـوايــــا

نــاسٍ غـــدو تـحــتٍ ونـــاسٍ غـــدو فـــوق

وراعـــي الـوفــا والـطـيــب شــــاف الـبـلايــا

دنــيـــا غـريــبــه بــيـــن طـــــارد ومـلــحــوق

وحـتـى القطيـفـي صـــار عـنــده رعـايــا!!!

قـالـوا الحـقـوق الـيـوم يبـغـي لـهـا حـلـوق

قـــلـــت الــحــلـــوق الـــيــــوم والله ظــمــايـــا

واشـــوف نـــاسٍ عـنـدهـا الـعـهـد مـبـيــوق

نــــــاس مـــــــن الـــذمــــه حـــفــــاةٍ عـــرايــــا

ونــاسٍ تـجـازي الـطـيـب بـالـغـدر والـبــوق

اطـيـبـهــم الــلـــي حــشــنــي فــــــي قــفــايــا

ونـاسٍ عـلـى النـمـه غــدى بينـهـم ســوق

ونـــــــاسٍ تــبــيـــع وتــشــتـــري بـالـحــكــايــا

خـــوة مـصـالـح بـيــن ســـارق ومـســروق

وســـــــود الــلــيــالــي عــرفــتــنــي عــــدايــــا

ولـــو الـمـراجـل حـلــو مـلـبــس ومـنـطــوق

كـــــــــان الـــمـــراجـــل كـــلـــهـــا لـلــصــبــايــا

الـمـرجــلــه فـــعـــل ومــواجــيــب وحـــقـــوق

وغــيــر الــكــرم والــجـــود طــيـــب الـنــوايــا

وجوفي من اللي صار ضايق و محروق

تــقـــول فـــــي جــوفـــي تــطــايــر شــظــايــا

ولايـسـتـريــح الـــبـــال يـــاخـــوك ويــــــروق

الا لــــيــــا دوجـــــــــت بـــــــــارض خــــلايـــــا

يــاوجــد حــالـــي كـــــل مــالاحـــت بـــــروق

صـــوب ادمـــوات وصـــوب ذيـــك النـحـايـا

وقـالـو السـمـا كـنـه مــن الـوبـل مشـقـوق

وجــــات الـعـطـايـا مــــن جــزيــل الـعـطـايــا

ومـــن النعـيـريـه لـجــوده غــــدى حــقــوق

وكــــــــل الــفـــيـــاض مــتـــرســـاتٍ مــــلايــــا

وجـانــا الـربـيـع وصــــار لـلـنـبـت زمــلــوق

هــــــــذاك والله غــايـــتـــي هــــــــو مـــنـــايـــا

بــيـــن الــخـــزام وبــيـــن ربــلـــه ورقـــــروق

والـفــقــع مــثـــل نــهـــود بـــيـــض الـثـنــايــا

يــابـــو مـنــصّــر لامــنـــي كـــــم مــطــفــوق

قــــــد لامـــنـــي فــالــبــر بـــعـــض الــبــرايـــا

ولاهــمــنـــي يـاجــعــلــه الـــهــــم والـــعــــوق

الــــلــــي هــمـــومـــه ســكــبــتــه بــالــمــرايـــا

اســـــج انــــــا فــالــبــر يـــاخـــوك وآتــــــوق

خـــــصٍ الـــيـــا خـــاويـــت ذرب الـسـجــايــا

جيـتـك اســوق الجـيـب ياصاحـبـي ســوق

فــهـــقـــت هــــمـــــي والــمــديــنـــه ورايـــــــــا

ادلــــه مــعــك يــاراعــي الـطـيــب والــــذوق

يـالــصــاحــب الـــوافــــي بــــكــــل الــمـــزايـــا

عـنـدي لــك حـقـوقٍ وعـنـدك لــي حـقــوق

وردك هـــديــــه مـــــــن كــــبــــار الــهـــدايـــا

ولــــك الــســلام خــتــام يــاراعـــي الــنـــوق

اعــــــــداد مــابــالــقــاع دكـــــــــت مـــطـــايـــا

رد محمد منصور الهاجري

يـامـرحـبــا يـالــلــي تـمــثــل عــلـــى اوق

يالـلـي صـخـرت الـقــاف بـــاوق" وبـايــا

يـامـرحـبــا واعـــــداد مـاهــبــة شـــــروق

وإعــــداد مـاالـغـربـي ســــرا لــــه ســرايــا

واعــداد مـاحـرك هــوا الشـمـل غـرنـوق

وإعــــداد صـلـفــات الـجـنــوب الـلـضـايـا

واعــداد ماعجـعـج هــوا الـبـر ســاروق

واعــــــداد زخــــــات الــمــطــر بـاالـقــرايــا

بالصاحب اللي طرش القـاف منسـوق

وأجـــزل أبـيـوتــه لــيــن جـتـنــا صـفـايــا

ياسعـود شعـرك حــرك القـلـب والـمـوق

وقــامـــت هـواجـيـســي تــلاطـــم زرايــــــا

ولمست جـرح" فـي ضميـري لـه فتـوق

ومــــن سـبـتــه يــاخــوك حــالــي دنــايــا

اشـوف نـاس" طبعـهـا صــار ممـحـوق

خـلــت ســلــوم الــجــد لــــو هــــم درايــــا

ناس" علـى غـرب النـدم ساقهـا شـوق

وصـــارت لـــه الـمـوضـه مـعــزه وغــايــا

مـاهـمـهـا الا خــبــز بــرقــر ومـســلــوق

وإلا مـــســـافــــر يــــــــــم دار الــبـــغـــايـــا

يــفــرح لـيـاقـالـوا هــبـــوب الــهـــوا دوق

وصـــوت عـلــى ربـعــه وجـــاوه شـغـايــا

قـال ابشـروا منـي علـى مـتـن سنـبـوق

بـنـجـيــب كــســـب" مــاجــبــوه الـطـنــايــا

والا عـلــى شـــط الـبـحـر زمـــر الـبــوق

وعـيــنــه عــلـــى زلات ســـــود الـعـبــايــا

واشـوف مـن همـه علـي بنـي طـابـوق

ولإل الـمـراجــل فـــــي ضـمــيــره حــلايـــا

معـمـيـه حــــب الــمــال مــــاوده يــفــوق

مـشـغـول فـــي عـــده صـبــاح ومـسـايـا

واشــوف نــاس بالقـفـا قـــدت اطـــروق

نـــاس عــلــى ســــب الـنـشـامـا حـمـايــا

وسط المجالس هرجهم يطـرب يشـوق

ولأمـــن كـشـفـت ألـبـيــر بــانــت خـبـايــا

ولأهو على الطيب ترا الطرق مطروق

كـــل عـلــى كـسـبـه شـــوى لـــه شــوايــا

وكــل عـلـى سـاسـه تـغـذا بـــه عـــروق

واهـــل الـبـقـر والـخــور مــاهــم ســوايــا

ياسعـود لاتصبـح مـن الـوقـت مـزنـوق

عــلــيــك بــالــلــي يـحــتــمــون الــتــلايـــا

علـيـك بالـلـي يعـطـي الـطـاق مـطـبـوق

الـــلـــي شـــجــــاع مــايــهـــاب الـمــنــايــا

واصبر علـى وقـت بـه الذيـب مخنـوق

وقـــت عــلــى الـشـجـعـان دار الـرحـايــا

ولطيـع شـور اللـي عـن الـبـر مـرفـوق

رفـــقـــة هــبــيــل مــايــشــوف الـسـمــايــا

ويازين شـوف الزمـل للعشـب مسيـوق

يـازيــن شـوفــه لا ســــرح ثــــم ضــوايــا

بــاول مطـيـح الـوسـم والـخــد مـــرزوق

وعــــــم الــنــبــات سـهـولــهــا والــعــلايــا

وفرحوا هل النيه على العشب بشفوق

وتـبـاشـروا بـــه مـثــل عــيــد الـضـحـايـا

وعساسهـم طـوف علـى وادي الـطـوق

ورده عــلــى الـصــمــان يـــــوم انـتــوايــا

وقـاد النـجـع قــرم" يـبـي فـيـه دغــروق

قــــرم" مــــن الـجــيــران شـــــال الـعـنـايــا

وشبعت به الذيـدان عشـب لـه عنـوق

وأهـــل الـحـسـا يـــف غـلـهـم مـــا بـرايــا

ولــك الـسـلام إعـــداد بـرقــا مـعــا روق

وإعــداد مــن سـافـر لـسـبـت الـعــلا يـــا