لله درّك يا الملك نسل الملك و اخو الملوك = ياخادم البيتين ياسلمان يا راس السنام
ابن اسد السنّه . معك , والساعد الاول اخوك = مقرن سندك الوافي الشهم المخضرم والهُمام
و محمد النايف على يمناك .. من عدنْ الجنوب الى تبوك = ومحمد السلمان فارس , ديرته .. ماتستضام
وحنّا لك الشعب الوفي والبيعه من أيام ابوك = مانخلف البيعه مادام المخ باقي بالعظام
يا شيخنا (يابوفهد) يا (ابو الوطن) لا فُض فوك = اعلنتها والشعب كله معك يانسل الكرام
حنّا معك بالمعركه ماعاد فيها .. هاك . دوك = وحنّا جنودك ياملكنا فالمهمات الجسام
الحوثي المدعوم قام إيحوك فخّ الموت حَوك = وأقديت به يا شيخنا ,, ضربت ملعون الرسام
احلامه انّه يكتب بصنعاء , وفي , عدْن الصكوك = وايران ,, ترقص له .. على شرع الملالي والامام
وانت الامام القرم حين الفرس في دارك نصوك = حطّمت رايات المجوس و زِدْت هيبه وإحترام
استخدم الصيني . ولاتذخر سلايل . توما هوك = إقصفهم الله يقصف اوكار الملاعين اللئام
حناّ صقورك يالملك و ابواننا ما قد عصوك = وارقابنا دون الوطن .. واولادنا دِرع وحِزام