شبكة رواسي نجد الأدبية - خصلتين ٍ فوق خدّه

شبكة رواسي نجد الأدبية (https://www.r111n.com/index.php)

- تاج القصيد (https://www.r111n.com/forumdisplay.php?f=5)

- - خصلتين ٍ فوق خدّه (https://www.r111n.com/showthread.php?t=28342)

خصلتين ٍ فوق خدّه

السلام عليكم
ومن الحب ماقتل !!!
خصلتين ٍ فوق خدّه

ويل من هو صارت الأيام ضدّه
كل ما تصفى ، يكدّرها شوايب

راعي المجدول مدري ويش حدّه
يبتعد عني ، بلا ذنب ،، وسبايب

حبل وصله كل ما حاولت أمدّه
يقطعه ماخاف من ربي عقايب

وآعذابي ،، لا تمايل لي ،، بقدّه
غصن موز ٍمال به هب الهبايب

ايتهصّر بالمشي ،، لارحم جدّه
وايتعمّد يظهر،، أنصاف الذوايب

مرخي ٍ له خصلتين ٍ فوق خدّه
ماشي ٍ يلعب بهن والقلب ذايب

لا فتلهن انطون ،، بإ صباع يدّه
وإن تركهن وصلن حدود الترايب

ونابي ٍيشكي المضايق ، منه ندّه
لا تثنّى ، شفت أنا ، منه العجايب

صاب قلبي لحظ عينه ، يوم لدّه
وإنتثر دمعي ،على خدي سكايب

وصار من بعد الرخا حالي بشدّه
وأناكم لي عن دروب الغي تايب

والله ، إن قلب العنا ماهو ، بودّه
لكن الأقدار ، به مخطي وصايب

رابط الحماية

تحيتي وتقديري
محمد بن عمار

[/b]

صح الله لسانك يايجريح القصيد
ابدعت وامتعت يالجزل
كايفه وشهادتي فيك مجروحه يابن عمار
دمت ودام رقي قلمك وفيض مشاعرك العذبه
تقديري لك
النجلاء

الله

صح لسانك يابن عمار

والله انها رائعه يالجزل صدق

سجل مروري وتقديري

لاهنت

صح لسانك شاعرنا
شاعر كبير وتطربنا شاعريتك وقصايدك دائماً
دمت بود وتقدير

الله الله
يابن عمار

دمت ودام رقي قلمك وفيض مشاعرك العذبه
تقديري لك

سلمي

صح لسانك ياابن عمار
وسلم احساسك العذب
ابيات جميله وجزله
يعطيك العافيه
بانتظارجديدك بكل شوق
تقبلي مروري واحترامي
المهره الاصيله

كلمات شفافه

اسلوب مغلف بالزهو دوماً ..

كلمات متفردة العزف على اوتار الإبداع

سيظل نثركِ ساطعاً دوماً

وبراءة هذه الأحرف

رمزاً على شفافية قلمكِ المميز

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي