|
عجيب هالزمن !!
عجيب هالزمن ... شخص تحبه وتغليه وتخفي عنه حاجات بنية الخير ماتبيه يتضايق ويقولك انت منت صريح وكذاب !! عجيب هالزمن ... لما تحاول تكسب محبة الناس وتلاطفهم بالكلام يقولون عنك نيتك شينه !! عجيب هالزمن ... رغم همومك ومعاناتك بالدنيا تظغط على نفسك وتتحمل اقرب الناس لك ومع هذا يزيد الدق عليك !! عجيب هالزمن ... يوم تعتذر عن شي ماغلطت فيه اصلا كله رضاء للغير وتبيهم يعاملونك بالمثل يستمرون بالغلط ولا يعترفون فيه !! عجيب هالزمن ... الشخص يعرف بداخل نفسه انه غلطان لكن يكابر ويقولك منيب غلطان !! عجيب هالزمن ... صار كل واحد يشوف اخطاء غيره جبل ويشوف اخطاءه حجر !! عجيب هالزمن ... يوم تلقى اقرب الناس لك وتبي تفرغ همك عنده وتشكيله يكون هو اللي يزيدك هم على هم !! عجيب هالزمن ... صار البعيد يفهمك ويخفف عنك والقريب على قولة القايل نفسي نفسي !! عجيب هالزمن ... اذا صرت مخلص لاعز الناس لك يشكون فيك واذا صرت تلف وتدور زادت الثقه فيك !! عجيب هالزمن ... يوم ينشرح صدرك وتضحك من كل قلبك يجيك من ينكد عليك وعلى ابو اللي جابوك !! عجيب هالزمن ... اذا حطيت حد لكل الكلام اللي فات عشان تبين انك وصلت حدك تلقى شي ازود منه !! عجيب هالزمن ... لو تكلمت يابو عبدالله من اليوم لبكره ماراح تستفيد وابو طبيع مايغير طبعه !! |
اصبت مني يا ابا عبد الله مرما
كلام ولا اله الا الله اكثره حصل معي وقسم بالله وحسبي الله ونعم الوكيل مروري وكل الشكر ابو عبد الله |
عجيب هالزمن والله عجيب * علام النـــــــــــــــــاس ماتصـــدق وتوفــــــــــــــي وشكل الاخره صارت قريب * وانا خـــــايف وياكــــــــــــــبر خــــــــــــــــوفي وسألت الطفل ودك ان تصبح طبيب * قال انا ودي اكون بالمــــــــــــــال محفوفـــي وعلامه صاحبي اصبح صويب * وقال علاجي هو جمــــــــــــــع الالوفــــــــــــي ترى حنا نمر والله في وقت عصيب * زمـــــــن والله قد كســــــــــــــر كتوفــــي دايم اسأل ولا القى لاسألتي مجيب * وان جتني اجابه جت مثل طعنات السيوفي نقلد الغرب ونحسب الغربي مصيب * وماهمنا هرج بوش ولابلير ولا عنان كوفــي
يا ابو عبدالله مو عليك لوحدك ترا تحصل معي اذ نزلت الديرة والله انها تحصل الزمن يا ابوعبدالله قاسي الزمن اليوم زمن الى معه افلوس وصدق المثل الى يقول معك قرش تسواء قرش ما معك ما يلزمك فا الكلام اكثير لو اجلس اكتب لك والله راح املاء الصفحه من الى انا امر فيه بس وراء كل رجل عظيم امراءه فا اقول معي انسانه رائعه جدآ هي سعادتي وهنائ ودايم اتقول اترك الناس هذول وعش مثلهم او احسن منهم حنا ما علينا منهم وووووو الى اخره لذلك اترك الزمن وسنينه وعش من ضمنهم ولا يسعني سوا ان اقول لك تقبل تحياتي اخوك سهم يام |
اخواني سهم ومحمد
مشكوين على المشاركه واسعدني احساسكم بما في صدري تحياتي لكم ... |
سطورك احساس وحروفك أنفاس أسرني نزفك وأطربني عزفك دمت بخير وسعاده |
يسلموو اختي الريم
تحياتي لك ... |
ابو عبد الله
جميل جدا ماوجدته هنا سلمت يداك على ماقدمت راق لي يعلم الله سجل مروري وعجابي |
رائع يابو عبدالله الله يعين على الدنيا بخير وانا اخوك دمت بود وتقدير |
| الساعة الآن 08:36 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir