شبكة رواسي نجد الأدبية - على كفوف الحب ماعاد ليا حيل

. الشمس لا غابت تحت سلطة الليل
حسّ المحبه من خفوقي نثرته
على كفوف الحب مآعاد لي حيل
كم من شعورٍ فالمحبه هدرته
إستعمرت صورتك يانقوة الجيل
ذهن الذي حدّك قهرك وقهرته
ولو تعلن الفرقى بلآ ذنب وتحيل
والله لتبطي خاطري ماكسرته
القلب لو تجرحه مآعاده يشيل
مآبه مكان إلا بجرحك فجرته
زحمة جروحه مثبته بالتفآصيل
والجرح الاول باقيٍ مآ غفرته
مافيه حلمٍ مآطوته التهاويل
ولآ فيه ليلِ فالهوى مآ سهرته
حطمت صرحِ وآفرِ بالمحاصيل
وأنهيت مرويه بطلهآ خسرته
توآلت الصدمات جمله وتفصيل
لين إنهدم حيل الخفوق ونحرته
حتى العيون السآهرات الهماليل
جميلهآ من حر مابك نكرته
إستوطن الكره الملي بالتعاليل
صدرك يالين الحب عندك قبرته
قصة هوآآنا زآخره بالغرابيل
عنوانها سطوة عذاب إختصرته
وزفرة عذابي في معاناة ماقيل
نقطه على كرآس ليلِ سمرته
ومدآم باقي حبنآ شارف الويل
( أمآ هجرني والا انا اللي هجرته) .

http://img.el-wlid.com/imgcache/2013/12/751518.gif