شبكة رواسي نجد الأدبية

شبكة رواسي نجد الأدبية (https://www.r111n.com/index.php)
-   تاج القصيد (https://www.r111n.com/forumdisplay.php?f=5)
-   -   حوريّه (https://www.r111n.com/showthread.php?t=27374)

عبدالله بن طلال 22-11-2014 11:31 AM

حوريّه
 
تواصليه .. عسى ان تلاقي بعض الاستحسان :


يامركب الشّوق، فالبحـر الحـلال الـزلال = افرِد شراعك على صدر النّسيـم العليـل
الليل قمراء وموج البَحْـر كبـر الجبـال = واسمع لصوت العواصف في جنوبك عويل
أبغاك يامركبـي تبعـد علـى كـل حـال = عن عالم الرّمل والصحراء وخضْر النخيل
ما ابغى المواني ولا ابغى للسواحل قبـال = وما ابغى على اليابسة مجلس وظلٍ ظليـل
هواااي ,, بحري .. وعندي للبحـر كـم سـؤال.. = والحلم بحري وانا بحري ودربـي طويـل
ابطيت جالس على الشاطي وذيك الرمـال = العَبْ واغنّي وفي حالـي وعابـرْ سبيـل
لا قلت ابا اروح موجك قـال كلـه تعـال! = و إن جيـت خليتنـي ضايـع بليّـا دليـل!
يابَحْرْ لا تشتكي همّك علـى (بـن طـلال) = دام الامل في وصـل حوريّتِـك مُستحيـل
لاصرت مثلي ضحيه خذني اقرب مثال : = لو متّ(محتاج) !! ما ( أستمطر ) كفوف البخيل!
واذا انقطع دون من تهواه حبل الوصال؟ = ردّد معي ياطويل العمر : ( صبرٍ جميل)!

النجلاء 22-11-2014 12:37 PM

هــواااي ,, بـحـري .. وعـنـدي للبـحـر كــم ســؤال..
والـحــلــم بــحـــري وانـــــا بـــحـــري ودربــــــي طـــويـــل
ابـطـيـت جــالــس عــلــى الـشـاطــي وذيــــك الــرمــال
الــعَـــبْ واغــنّـــي وفــــــي حـــالـــي وعـــابـــرْ ســبــيــل
لا قــلـــت ابـــــا اروح مــوجـــك قـــــال كــلـــه تـــعـــال!
و إن جـــيــــت خـلـيـتــنــي ضـــايــــع بــلــيّـــا دلـــيــــل!
,
,
الله الله
ياسلام عليك يابن طلال
صح الله لسانك شاعرنا
كايفه ونايفه وجزله وشهادتي فيك مجروحه الى الابد
لاحرمنا المولى وجودك وابداعك ورقي حرفك الفاخر
تقديري وتقييمي لسموك
النجلاء

عسولة مكه 22-11-2014 07:23 PM

ياااااسلام عليك يابن طلال
كالعاده مبدع ومميز ياعسل
دمت باحترام

مساعد الجليدي 22-11-2014 10:01 PM

يـابَـحْــرْ لا تـشـتـكـي هــمّــك عــلـــى (بـــــن طـــــلال)
دام الامــــل فــــــي وصــــــل حــوريّــتِــك مُـسـتـحــيــل
لاصــــرت مـثـلــي ضـحـيــه خــذنــي اقــــرب مــثــال :
لو متّ(محــتاج) !! ما ( أستمطــر ) كــفــوف البخيل!
واذا انـقـطــع دون مــــن تــهـــواه حـــبـــل الــوصـــال؟
ردّد مــعــي يـاطـويــل الـعـمــر : ( صــبــرٍ جـمــيــل)!
الله الله
لله درك يابن طلال انت عميد الشعر ابدعت وامتعت
وصبرٍ جميل يابن طلال ودمت بخير وسعاده

ابوفارس 23-11-2014 12:53 AM

صح لسانك ملايين شاعرنا
متصفح ثري بالجزاله والمتعه دائماً تروق لي قصايدك
دمت بود وتقدير

سهم روق 23-11-2014 07:03 PM

يـابَـحْــرْ لا تـشـتـكــي هــمّـــك عــلـــى (بـــــن طـــــلال)
دام الامــــــل فــــــي وصـــــــل حــوريّــتِـــك مُـسـتـحــيــل
لاصــــرت مـثـلــي ضـحـيــه خــذنــي اقــــرب مــثـــال :
لو متّ(محتاج) !! ما ( أستمطر ) كفوف البخيل!
واذا انـقــطــع دون مـــــن تــهـــواه حــبـــل الــوصـــال؟
ردّد مــعــي يـاطـويــل الـعـمــر : ( صــبـــرٍ جـمــيــل)!

ابن طلال
ونعم بك وبصدا حرفك
لحروف صدا رائع على شواطي رواسي نجد
فأنت الاستاذ الذى نتعلم منه جمال الإبداع وروعة الفن
احترامي ياشيخ

محمد الروقي 23-11-2014 07:38 PM


هــواااي ,, بـحـري .. وعـنـدي للبـحـر كــم ســؤال..
والـحــلــم بــحـــري وانـــــا بـــحـــري ودربــــــي طـــويـــل
ابـطـيـت جــالــس عــلــى الـشـاطــي وذيــــك الــرمــال
الــعَـــبْ واغــنّـــي وفــــــي حـــالـــي وعـــابـــرْ ســبــيــل
ههههههههههههههههههه
منت بسيط يابحري الله يلوم الي يلومك
صح لسانك لين ترضا

جولييت 30-11-2014 09:14 PM

تسلم ايدك ويعطيك الف عـــــآآفية*
هـ الطرح الاكثر من رائع ’،
ودي


الساعة الآن 03:19 PM بتوقيت السعودية

Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir

Ads Management Version 3.0.1 by Saeed Al-Atwi

هذا الموقع يستخدم منتجات Weblanca.com

new notificatio by 9adq_ala7sas
الشركه المالكه