شبكة رواسي نجد الأدبية - راعي العين الحنونه

شبكة رواسي نجد الأدبية (https://www.r111n.com/index.php)

- تاج القصيد (https://www.r111n.com/forumdisplay.php?f=5)

- - راعي العين الحنونه (https://www.r111n.com/showthread.php?t=27131)

راعي العين الحنونه

السلام عليكم
ولكم موعد مع بن عمار
وحظه الأقشر اللي مخاويه
مدى الحياة اللهم ياكافي
كل شطر قافية ..!

الحظ الأقشر

ياشقـاء ، قلب ٍ تحـيّـر* في هوى غـرو ٍ يتلـّه
راعي العـين الحنـونه * اللي أشغلني بغرامـه

قسمتي والحظ الأقشر* ساقـت الرجـل لمحلـّه
من بعـد ، لـدّة عيونـه * وين قلبـي والسـلامـة

في طريـقه لا تهـصّـر* رأس ، ردفـه ما يقلـّه
مشغـل الناس بفنونه * مشيتـه صارت علامـة

والمبيسـم موت ٍ أحمـر* يشفي العطشان غـلـّه
ونظمـة اللولـو سنونـه * لاغنـج لي بإبتسـامـة

من نظـر للصدر كـبّـر* روض للوسمـي يعلـّه
مثـل طلع التين لـونه *والحجـم بيضـة حمامـة

مطلـق ٍ مجـدول ٍ أشقـر* من على متـنـه يـفلـّه
وغـرة ٍ حـفـّة جـفـونه * تنتثـر، لأرخى لثـامـه

نور عيـني لـو تغـيـّر* وسط قلبي ، مرتـع ٍ لـّه
بالحشا أرسى ركونه * وبالصـدرعـلا ّ مـقـامه

الـغلا بالجوف يـصـهر* قـرص كبدي مستحلـّه
ساطيات ٍ بي طعونـه * بالحـشـاء راكزسهـامـه

من عنـاه العيـن تسهـر* دمعهـا ، دايـم ، تهـلـّه
مثـل وبـل ٍ في مزونـه * لا تـحـدّر من غمـامـة

عقب ما وصـله تعثـّر* صارت أعـذاره ممـلـّه
جـدد بقلـبي ، حـزونـه * بالتشـرّه ، والـمـلامـة

كيـف عقـب الود قـرّر * للهجـر ، من غـير زلـّه
عـاذل ٍ قـد حال دونـه * ليتـني أعـرف مـرامـه

لوشكيـت الحـال يظهر * ماخـفـى للـنـاس كـلـّه
وكـل عـلـم ٍ يجهلـونـه * صـار سلـعـة ، للنمـامـة

الهـوى راعـيه يخـسـر* لا تفارق ، هو ، وخـلـّه
مكسـبـه ذلّ ومهـونـة * وآخرالعـشـرة ، نـدامـه

رابط الحماية

مودتي وتقديري
محمد بن عمار

صح الله لسانك يابن عمار
مافيك حيله والله يعينك على حضك هههههه
دام ابداعك ورقي قلمك وفيض مشاعرك العذبه
تقديري لسموك
النجلاء

والمبيسـم موت ٍ أحمـر* يشفي العطشان غـلـّه
ونظمـة اللولـو سنونـه * لاغنـج لي بإبتسـامـة

من نظـر للصدر كـبّـر* روض للوسمـي يعلـّه
مثـل طلع التين لـونه *والحجـم بيضـة حمامـة

صح لسانك يابو عبدالعزيز

ابدعت وامتعت وارثعت فينا بالوصف :)

تقبل تحياتي

صح صح لسانك لين ترضا ء

وعندي استفسار ياجزل .,. العجز واحد والصدر وقفتين
وش اسم البحر هذا ويسعدلي قلبك للاستفاده
بغيت اقول مروبعه ولقيت البيت الاول ماهو مبني على العجز
قلت مجالسيه لقيت فيها وقفات متشابهه حيرتي يابن عمار

الله الله

صح لسانكـ يابن عمار

والله انها جزله وروعه واكثر

سجل مروي واعجابي المستمر

دمت ودام حرفك المتالق

مررت من هنا
الغنامي

صح لسانك ملايين شاعرنا
متصفح يستحق المتابعه والتقدير
دمت بود وتقدير

صح لسانك ابن عمار
قصيده جزله لاتصدر الا من شاعر كبير
استمتعت بجمال متصفحك ورقي ابياتك
دمت بخير وسعاده دائمه