![]() |
فتوى العبيكان
تواصليه :
وش حيلة اللي تالي الوقت بلشان = اللي يضيق به الفضا وش سواته؟ يشوش راسه كل ماشاف ميدان = وقلبه يعبّي كامل امعسكراته لكن حظه مانفع فيه برهان = من وين ما طقه تفرّش صفاته عاطل وعزابي من الجوع هلكان = ياوجد حالي وجد من هي حياته ليتي وزير وراتبي عند سلمان = واذا غديت بشيء ماقال هاته اعيش مستغني عن افلان وافلان = تاجر وعندي مالٍ ادفع زكاته و إن كان ربي كاتب اعيش طفران = امّا غناة الذيب ولاّ مماته اللي حداه المرّ يرضى بمرّان = ومن لاشبع بالخبز يرضى فتاته ابا اشتغل سواق في باص مليان = وسط الرياض وزحمته واقتراته مع صبح ربي شايلٍ جول غزلان = لو ماحصل لي غير نوع التفاته ولو مالمحت الا مصاخيف ذرعان = لامرّني ظبيٍ يمسّس عباته وان يسّر الله مثل فتوى العبيكان؟ = أعثيت فالمفلى وعنزه وشاته! انسى زمانن فيه نيدو ودكان = وما عاد ابا الجبن وثلاث ابقراته والله غفور ويلطف بحال الانسان = كريم يمحى سيته بحسناته الوذ به واعوذ من كل شيطان = و أهم ماعند البنادم صلاته |
الله الله
صح الله لسانك ملايين جزله من شاعر جزل وعذب وممتع شهادتي في شاعريتك مجروحه الى الابد والعبيكان لو يدري عن قصيدتك سحب فتواه من اليوم ههههه لاعدمنا وجودك ورقي حرفك تقديري وتقييمي لسموك النجلاء |
صح لساااانك الى يوم الدين
جزله من جزل وتستاهل التقييم ياجزل |
صح بدنك يالنجلاء ومشكوره على التقييم مرورك بحد ذاته تقييم يا نقيّه كان العبيكان سحب الفتوى ؟ الله يعينني ابيع الباص ههههههه تحياتي لك |
صح بدنك يامحمد
ماعليك زود طال عمرك تقبل تحياتي |
صح لسانك ملايين
قصيده جميله استمتعت بتواجدي بمتصفحك دمت بخير وسعاده دائمه |
ياسلام عليك ... مبدع وفاخر كعادتك
سطور مميزه من انسان رائع دمت باحترام |
صح لسانك وعلا شانك
لله درك على هذه الدره الجزله دمت بخير |
الساعة الآن 12:06 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir