نعم صح شفته شوف ماهي بلمة طيف=ياقلبي حنينك بدله في غطاريفك
هلا مرحبا بأعز زوار واغلى ضيف=لو العين من غيبتك ما فارقت طيفك
هذا سيدك لو شوفته حلم نومة صيف=لكن مثل ما قالوا اتبرد بها صيفك
سقا الله زمانن فات يوم المراتع ريف=يوم انقول للي غاب له يوم يا حيفك
نمى زرعنا واثمر وهينع وحاشه هيف=عروشه خوايا يابسه تنتظر ريفك
لا تبخل عليها والظمى شفت فعله كيف=وانا كل احاسيسي اعطاش لسواليفك
انا لو بدي قلت لزمانن تقافا قيف=ولو ـ لي ـ ما اريده صرت دايم وانا ضيفك
ولو في يديني صدق ما اقولها تزييف=لصير الضليع اللي يوالي شراشيفك
ما قلته حقيقه ما بعد حاشها تطفيف=هذا كل ما اكنه..تصرف على كيفك

الله الله
صح الله لسانك يابو عبيد
رائعه من روائع شاعرنا المذهل
جزاله وابداع وتميز يجبرنا على متابعة حروفك العذبه
دمت ودام رقي قلمك الفاخر
تقديري وتقييمي + ختم التميز
النجلاء