|
لاتجرحــــين القـــــلب لاتـــجرحينه
ياريـم مجـدول الشعـر تنقضينـه ومعطر(ن) بالـورد زيـن البلالـه يامن كما البراق موضـي جبينـه ياعين شيهانٍ على الكف شالـه بدر الحويفي يـوم وقتـه وحينـه لا اشتاق يبدا كل رجم(ن)زمالـه لاتجرحــــين القـــــلب لاتـــجرحينه يكـفيه من جــرح الزمـن ماجرالـه هم(ن) توطـى ظـــــامـره والغـبينـه مــــن ناس شـــي ٍماتـصـوّر ابّالـه قسوة اظروفه بيـّـحـت فـي كـنينه واصبح يصفّق في يمينه شماله قــلبٍ على الماضي كـثيرٍ حنينه عــليـه يزعـج ونّـــتـه مـــن هــبالـه الله ياوقــــــت(ن) تقــافـت سنيـنـه يوم الزمان الزيـــــن والقــلـب دالـه يـــوم النـــوايـا الطــيّـبـه واللـثمــيـنـه والجـــــار طــــيّـب طـيّـب الله فـــالـه يوم القـلوب نظــاف والنـاس زينه والجـــو صــافـي مـا تغـــبّـر سهالـه يوم السحــــاب بنـــشوتـه خـابرينـه ب اوّل قــدوم الوسـم يزبـر خيالـه والضلع وقــته يـــوم تاشـع بطــينه ماكــــنّه الاّ مـن ضــــواحـي صلالـه ريــــــم الفــــلا حولـه تحــفّـه سـكينـه ولاشــاف قـنّاص(ن) يـزود جفالـه واليوم والله من شــقـث فـيه عـينه لــــو عـــس يـــمه مايـــدوّج حـــلالـه دور(ن) تغــيّـر يالقـــلـوب الفطينـه وراع الجـمالـه مبـتــلــش بالجـمالـه ومن عاش دور العولمه والمدينه مـايـخـــدمـه يــــاكــود عــملـة ريــالـه ومــن لا يـــودّك حــط بيــنـك وبينـه الفــــين كــيلـو ليـن تــنسـى مجــاله والرزق عــنـد اللي ومر بالسفينـه سبــحانـه المعــــــبـود جــــلّ جـلالـه التوقيع مساعد الجليدي نديم الجود |
صح الله لسانك يامساعد
ابدعت وامتعت يالجزل كما تعودنا من شاعرنا الجمال والكمال في حضورك تقديري لك النجلاء |
صح لسانك شاعرنا الراقي
قصيده في قمة الروعه والجمال في انتضار جديدك بشوق دمت بخير وسعاده دائمه |
اقتباس:
تـوآجدك الرائــع ونــظره منك لموآضيعي هو الأبداع بــنفسه .. يــســعدني ويــشرفني مروورك الحاار وردك وكلمااتك الأرووع لاعــدمت الطلــّـه الـعطرهـ لكِ مني اجمل التحايا |
ارق الاحاسيس تناثرت هنا
فليس غريبا على شخصك ان تنثر الحروف ورداً وتستبيح قلوبنا بطرحك الجميل فكان لي الشرف بتواجدي بين اسطرك ومعانيك هنا كنت بين زهور بستانك استشف من طرحك الطرح الذي عانق الروعة شكراً جزيلاً من القلب في شوق الى جديدك المنتظر صح لسانك وسلمت اناملك |
ابدعت ومتعت
وصح كلك عن كل شر واصل في خذا الصرح الراقي فهو ماكر الحرار امثالك دمت بود وذكرني بخير |
اسعد الله قلوبكم وامتعها بالخير دوماً أسعدني كثيرا مروركم وتعطيركم هذه الصفحه وردكم المفعم بالحب والعطاء دمتم بخير وعافية لكم خالص احترامي |
هنيئا لنا و لرواسي بقلمك
http://www.htoof.com/vb/images/smilies/73.png قصيدة جزلة جدا بانتظار الجديد من القريض سلمت و سلمت قريحتك ود يليق شاعرنا http://www.htoof.com/vb/images/smilies/21.gif |
| الساعة الآن 10:48 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir