&حبيب العازمي &
سلام رده لرجال اللي تقرلها الرجال
يوم الحرايب نارها تقدح على بارودها
نبا نسير ونتمشا فالجنوب وفالشمال
كله لجل لطم العيون الحاسده وخدودها


&تركي الفين&


يامرحبابك يالبناخي من هواجيس الخوال
عند الرجال اللي تعزوا فالوغا بجدودها
مهما يطول الوقت فالدنيا نزولن ورحتال
وبيض اليالي ياحبيب ماتشابه سودها


&حبيب العازمي&

ماجايكم غير الوفا يأهل الوفا في كل حال
واللي غلطله غلطتن قول لاعاد اتعودها
حسبي على اللي من ضحا حط العمامه فالعقال
وشتالها قدام يعرف نقصها من زودها

&تركي الفين&

ترا الغلط بين الرجال اهل الوفا ماله مجال
لكن طف الجمر اللي دخنت في عودها
اليا وردنا ماشربنا غير من جمن زلال
يالله عسا رجلاك ياحبيب تعرف احدودها

&حبيب العازمي&

كل الحطب جمر ولهب واسمه سريع الاشتعال
مافيه قومن ماتولع نارها بزنودها
خلك مع اصحابك تعامل بالجنيه وبالريال
لو ماتجي في سوق صنعاء ماتجيك ازيودها

&تركي الفين&

مافيه نار الا تطفيها هماليل الخيال
اللي تلوح ابروقها واللي تحن ارعودها
انته تبيع وتشتري فيها وعندك راس مال
لاكن تعين في حبالك وانتبه لعقوده

&حبيب العازمي&

الفرق بين لاتحطون الحرام مع الحلال
يبلابها المسلم ليامن جرها مقرودها
حنا نقول الحمل ماله زمل ياكود الجمال
وانته جمل وام الجمل حنت علي مفرودها

&تركي الفين &

وش ينفع الغاوي ليا خذه حصاه من الجبال
ماتثبت الا الحجه الي حاظرين اشهودها
الله يبارك فيك ويعافيك ياسمح القبال
تصدق مابين المسلمين اوقوفها وقعودها

&حبيب العازمي&

انته عينت امسيلمه هو تاب والا لايزال
بعد حصاه ارزاح حبه جبهته جلمودها
دارت دواليب الدهر دار الرشا فوق المحال
عسا يمينن ماتقدر ينكسر عمرودها

&تركي الفين&

انشد عن اهل الدين واجاوبك في رد السوال
ومسيلمه وابو لهب جعل الجرب فجلودها
عسا الهواء يشتال بيتن مايظلل بالظلال
لين الهبايب فوق عمدانه يذعذع نودها