سلام الله على اسم تعتزيبه عزوة المطـران=ليل ذكر الدويش ابدت مطير السمع والطاعة
تشرفنا وزادتنا تشـرف دعـوة الدوشـان=وحمانا الله ونجانا مـن الشيطـان واتباعـه

هلا يامرحبا وانته وانا في ساحة الميدان=وهذي ساعة ياصاحبي تسوى مية ساعة
كتبت لك الرساله والرساله تحمل العنوان=تمعن بالحروف ولاتجي في قلبك الراعه

نبي نجرد سيوف المعركه بسم الله الرحمن=سيوف للحـم والعظـم قطاعـه وبتاعـه
كتبت اسمك وعنوانـك علـى الشرطـان=شريـطٍ تـروج بيـن شرايـه وبيـاعـه

الى منك صملت ابشر بنارٍ مالها دخـان=لوني مانصحك بالحرب لو النفس طماعه
يابن برقا على هونك وقدمها على البرهان=ترا ماكل رجالا يجيب الكسـب بذراعـه

ثلاث شهور وانته غايبٍ عن شيت النيران=لكن اجمع حطب نارك وولعهـا بولاعـه
اشوفك تلتفت لفلان ذاك وتلتفـت لفـلان=حصان مطير مدري وين مصيافه ومرباعه

ثلاث اشهور احد القوم وانت تطرد الضبان=وضبٍ تمسك يدينه وضب تسحب كراعـه
اشوفك تشتكي وتقول انا جايع واناضميـان=واخاف انك تحول في قليبـا مالهـا قاعـه

اصيد الضب ولي يشبهه من ساير العربان=ياتركي دام هذي حجتك يا ضيعت الضاعه
اذا جيت اشتكي لك لاتسميني من العتبـان=وانا الي في يدي الخير باشكاله وبنواعـه

الايطير كيف تطير وانت مكسر الجنحـان=يبا يقشعك ابو مكشاع ويصيـدك بمقشاعـه
تقوله يالعتيبي وانـت لارابـح ولاكسبـان=سوات الزورق الي بالبحر يومي به شراعه

تكلم بالكلام الي يناسب ياولد ميـزان=حناجيرك وراها للعلوم العوج بلاعه
الاياراعي الدكان شكرا قفل الدكـان=تراني تاجرا من براضي بايت بضاعه

احدك للكلام الزين وانت تطمر الجـدران=سوات الورع مايسكت يالين اعطيه رضاعه