|
الحزن العميق
يابنت ياللي في وصالك تشحين=خافي من الله وعطفي وارحميني هلي على صدري سوات الودادين=خليني أنبت لك غلاء واقطفيني بلي عروق القلب باللطف واللين=نسيني الحزن العميق الدفيني الحب يثمر في قلوب المحبين=لاصار يسقيه الغلاء والحنيني وليا انقطع ساقيه فـ غضون يومين=يموت لو عرقه دفين ومتيني وانا مضالي عام والسهر بالعين=أسهر وغيري بالكرى مهتنيني أضحك من اللي يتبعون المقفين=وهذي نهاية شامت المبتليني غلاك في قلبي رجح بالموازين=مستيسرٍ قلب العليل الحزيني قامت تضخه فالعروق الشرايين=يالين عشت برفقة الميتيني حسي بحالي كان ودك تحسين=ومدي يدينك بالوصل وانقذيني غريق حبك مايبي غير ثنتين=لين الجناب وعاطفه تحتويني |
صح لسانك
سجل مروري وتقديري |
الله الله
صح لسانك مليار في مليار في مليار ابدعت وامتعت بهذه الجزله الرائعه الفاخره دام الوجود والابداع ورقي الحرف والمعنى تقديري وتقييمي + ختم التميز النجلاء |
محمد الروقي
صح بدنك لاهنت |
اقتباس:
النجلاء ختم التميز هو مرورك والابداع هو تواجدك بمتصفحي المتواضع اسعدني وشرفني اطرائك الجميل دمتي ودام تواجدك الرائع كوني بالقرب دوماً |
|
صح لسانك قصيده جميله بكل مايعنيه الجمال دمت بخير وسعاده دائمه |
احلام
التميز هو تواجدك بمتصفحي يشرفني هذا الحضور المتالق دمتي بحير |
| الساعة الآن 05:09 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir