ليت الليالي..تدوم..وليتها ما تدوم.! = تناقض(ن)يفرضه..حكم الزمن..يا حمد..!!
فكّر..وشوف الفضاء..واقرب مثال..الغيوم. = السيل فيها..وهي تمشي..بليا عمد.؟؟
ولو تلتفت للرجال اللي تحب الخشوم. = اللي ليا راحت البكره..تشد..وتمد
تلقى العجب يا حمد..في وقت..كله رخوم.!! = يا شينها..مير رجوانا بفرد(ن)صمد
رب(ن)لوجهه..نقيم الفرض..وايضا نصوم. = ((وننكر جميع المفاسد والحكي معتمد))
عذر العلوم الوخيمه..في كلام الحلوم. = والنار صارت من اعذار الحطب..والرمد..!!
لو تشتكي..وش يفكك من وخيم العلوم.؟ = ولو تكبت النار..ما ضني يطول الأمد..
ما عاد تقوى الغثا في دنيتك..والهموم. = من هول ما شفت..يا رجال..قلبك جمد..
يا هاجسي..صح منطوقك..بحسب السلوم = يا الهاجس اللي على طول المدى..ما خمد..!!
عنوانك الصدق..والحنكه..ورمي السهوم = وانت الذي عاش فالاوجاع..لكن صمد
وكانك بغيت الحقيقه يا قوي العزوم: = فكّر بمد الكريم..ولقفت المستمد..
شتان بين القروم..وبين شيخ القروم. = وشتان بين الذي شاف الحرام..وغمد.
وكانك نسيت الصحيح..اسمع قبل لاتقوم = مهما جرى لي من الصكآت..بأبقى..((حمد))!!

والنعم فيك يابو خالد و صح لسانك

شاعر جزل وعذب وشهادتي فيك مجروحه

تلقى العجب يا حمد..في وقت..كله رخـوم.!!
يـا شينها..ميـر رجوانـا بفرد(ن)صـمـد


قد يكون لك هدف من التعميم بكلمة ( كله ) .. مع انني لا أؤيد استخدامها في مثل هذه الامور :)

تقبل تحياتي ومداخلتي الاخويه

/

الفرح لقلبك