البارحه راسي تلاشى نعاسه = وامسة عيوني تذرف الدمع بسكات
من واهجٍ بالصدر زاد احتباسه = من ضجته ضجة حجيجٍ بميقات
هذا يدور له حرام بمقاسه = وهذا يكبر ما تبع ملة الآت
على زمانٍ شاقني طبع ناسه = ماهو زمان اليوم هيهات هيهات
زمان فيه الرجل لو زاد باسه = يبقى عزيزٍ رغم كل الصعيبات
ولا زمان اليوم اليوم كله نجاسه = ما فيه غير الهم كله متاهات
لا يا زمن جيتك بعشق وفراسه = واليوم مالي فيك شريه وبيعات
مدام ذا طبعك يبيلك دراسه = من يوم ربعي راحو الليله شتات
احدٍ يموت ولا ثنى الموت راسه = واحد انثنى راسه وهو مابعد مات
واحدٍ سمع صوتي ولا اهتز ساسه = ويا كثر ما هز الخصر عند دسكات
واحدٍ بلبس العز يلبس لباسه = واحدٍ مع الموضه رهين الترنقات
واحدٍ ترك نفسه تهيم بشراسه = يتبع بها دروب الردى والملذات
والرابح الي ساقها بالسياسه = ويشوم عن كل العلوم الرديات
دايم على نفسه مشدد حراسه = ودوم ايحداها للعلوم النقيات