شبكة رواسي نجد الأدبية - دقـــــايــــــق

شبكة رواسي نجد الأدبية (https://www.r111n.com/index.php)

- تاج القصيد (https://www.r111n.com/forumdisplay.php?f=5)

- - دقـــــايــــــق (https://www.r111n.com/showthread.php?t=14023)

دقـــــايــــــق

السلام عليكم ورحمة الله وبركاته

دقايق كل هالعالم دقايق والعمر محسوب
دقايق تبتدي دنيا ودقايق تنتهي فيــــــها
دقايق نبتدي رحله بريئة ونجهل المكتوب
ولانعرف سوا فرحه وضحكه محال نخـــفيها
دقايق مرحله تبدي عمر ثاني وظلام دروب
حياة وعالم ومسعى ولا نعرف توالـــــــــيها
دقايق نبتدي نكذب ونخدع والامر مغلوب
دقايق ننزع الشيمه وطيبتنا نخلــــــــــــــيها
دقايق والعدل يعدم وعزه شانها مسلوب
دقايق والردي يشبع ويطعنا بـــواقـــــــــــيها
دقايق والكرم يلبس ثياب الجوع والمنهوب
يدق العـــــين بالــــدله ودمـــــانه تملـــــــيها
دقايق والابن يغدر بأمه ويلتجي للعوب
دقايق ينكر ويجحد وهي الجنه بمواطـــــــــيها
دقايق والاخت تنجر عروسه وعمرها يادوب
عـــمر طفـــــله تبي تلعب ولعبتها تبكـــــــيها
دقايق والشعر يقتل ليا صار بفقر مكتوب
واذا خـــــط الغني كلـــــمه تصر أيه بمعانـــــيها
دقايق نتبع الدنيا وهي دار ابتلا وذنوب
وتـــــاخـــــذنا وتــــودينا ولا نوصــــل موانـــــــيها
نعادي ونزعل ونكره ويركبنا الغرور ركوب
وننســـــى الطـــــين منشانا وتاخذنا تــــعالــــيها
دقايق قلتها مره ومره واعني المطلوب
نحس ان العــــــمر كـــــله دقايق مانحس فــــــيها
دقايق تكفى من وقتك قبل تحت الرمال تذوب
دقايق فكر بعمرك ورحــــله لـــــزوم تمشــــــــيها
دقايق ماتحس الا على كتف البشر مسحوب
وحفـــــره تحـــــتري زولـــك وحيد وجيت لافـــــيها
يجيلك يوم تتوسل دقايق تلتزم واتوب
وتندم والندم ينشد عن ايامـــــك ومــــاضــــــــــيها

وســـــلامتكم

اخـــــوكم علي العصيمي

اوراااااق شــــاعر

ملاحظه
من ارشيفي

حجز ملكي ولي عودة

علي العصيمي

صح لسانك يالجزل

جميله وأقل ما يقال عنها

سجل مروري واعجابي

لك أجمل تحيه

علي العصيمـــــــــي
صح لسانك وعلا شانكـــ
لله دركـ يالغلا ع هالقصيــــــــدة الجزلة والرائعة, دقايق جميلة لمن ادركـ مغازيها,
دقايق لها معزوفات جميلة,, اهنيك ع جمال احساسك وتعبيركــ,,
راقت لي كثير,, يسلم رووحك وقلمك المميز,لاشك انه ارشيف
غني بالروائع,, فلاتحرمنا جميع روائعكـ يالغلا سواء من ارشيفك, او من جديدك,,.
دمت كما انت لذووق ولابدااع عنوان
http://www.beauty-dreem.com/vb/imgca...4.imgcache.gif http://www.beauty-dreem.com/vb/imgca...4.imgcache.gif

صح لسانك يالعصيمي

رائعه بروعة حضورك

جزل

مميز

محبكم مرهف الاحساااس

العصيمي ,,

رووووعهـ مانثرتهـ من احاسيس

راااق لي كثير

اشكركـ ع الذوووق

تحياااتي لكـ

الاخ والشاعر علي العصيمي
بيات رائعه تحوي الحكمه نفس شعري يعانق السماء
اجدت اخي الكريم بناء قصيدتك بطريقة تجذب المتلقي لك اسلوب مميز

نحس ان العــــــمر كـــــله دقايق مانحس فــــــيها
دقايق تكفى من وقتك قبل تحت الرمال تذوب
دقايق فكر بعمرك ورحــــله لـــــزوم تمشــــــــيها
دقايق ماتحس الا على كتف البشر مسحوب
وحفـــــره تحـــــتري زولـــك وحيد وجيت لافـــــيها
يجيلك يوم تتوسل دقايق تلتزم واتوب
وتندم والندم ينشد عن ايامـــــك ومــــاضــــــــــيها
فعلاً جمال لا يضاهيه جمال
صح السانك وبدنك ومن الاعماق اشكرك
اجمل تحيه

الاخ العزيز محمد الغناااامي

صــــح الله بــــدنك

والجميييل مرورك الكريم

لاهنت ياطيب الاصل

تقبل مني ارق التحاااياااا