|
ضوامي
أسعد الله جميع أوقاتكم بكل خير جديدي المتواضع لـ / رواسي الأدب مع أجمل التحايا لقلوبكم النقيه . . . ياهاجسـي ماعـاد فيـهـا تــردد ....................ورّد ضوامينـا علـى كـل مـيـراد سقهـا مغاتـيـرٍ تـحـن وتَـلَـدد ....................لاخالف المربـاع مرحـان الاجـواد بنات هـرشٍ طيـب ساسـه مـردد ....................فنـس الخشـوم مخيبـة كـل نقـاد شافن سحـاب الوسـم وقعـه تمـدد ....................كنه يناديهـن علـى طـوي الابعـاد ياهاجسي لاهنـت / والوقـت جـدد ....................فينـي مداهيـل المشقـه والانـكـاد من ثقـل همـي قـو حيلـي تهـدد ....................ياونتـي مـن جايـر الـوقـت لازاد غيّـر مسـاري مـن قسـاه وتعـدد ....................ياكثـر مايلفـي علـى غيـر ميعـاد ويـلاه يـوم انـه علـيّـه تـشـدد ....................اقسى من امريكا على شعـب بغـداد مثل العرب بـ/اشجب /واصرّح /واندد ....................وانا اعرف ان الحظ لو طـاح مافـاد وان سقت ذودي يـوم حلمـي تبـدد ....................علـى عقيـدٍ بيـن عقـده وعقّـاد مقصـود نفسـي فيـه شـيٍ محـدد ....................يكرم مغاتيري وانـا راعـي ا/شـداد . . . . |
صح لسااااااااااااااانك لين ترضاا
رايعه سجل اعجابي بكل حرف وتقبل تقديري وودي |
صــــــــــــــــــح لساااااااااااااااانك قصيدة رووووووعه الله يعطيك العافيه |
صح السانك يا عصيمي وبيض الله وجهك
قصيده تحمل معاني دفينه الف صح الله السانك لاهنت |
عبدالله بن محمد العصيمي يالله حيه وحي بوحه العذب وللشعر جزاله وللهمس رقي وانت كل ذلك بوجودك وتواجدك فهنا الوجود وهنا الشعر لأقول لك صح لسانك وكلك ياعبدالله ودام بيانك بكل خير ومعزه |
حي الله القصيد الجزل وراعيه...
صح لسانك مليووووون ولا يووووفووون...... لك كل التقدير والاحترام.... |
صح للسانك وبيض الله وجهك
شاعر جزل وشامخ لاهنت وننتظر جديدك القادم |
شاعرنا
عبدالله محمد العصيمي صح لسانك ولا هنت على هذه الرائعه وكفو والله ما من شك انتم اهل الاشده تقبل مروري الي يشرفني ولك التحيه ودمت بود |
| الساعة الآن 08:16 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir