|
قصيدة..ذكرى حزينة
بسم الله الرحمن الرحيم
هنا جديدي من خلال رواسي نجد الرائع امل ان يحوز على رضاكم الاخوة والاخوات وعذراً للجميع عن الانقطاع الخارج عن الاراده................... اترككم وقصيدة ذكرى حزينه امل ان تحوز رضاكم ياروح روحي طلتك غايـة منـاي=كلـي سـرور بجيتـك واشتريهـا الشوق دربي واْنت يالترف مسراي=طيفك معاي وصورتـك محتويهـا واليوم اْشوفك ماتبي زود طريـاي=كيف المحبـه الصافيـه تزدريهـا يانبرة الاْحزان مـع نغمـة النـاي=جفنـي يفيـض بدمعتـي هونيـهـا يكفيك ياواقع صدم رغبة ارضـاي=ذكـرى حزينـه للمـلا سولفيهـا أيام واتركلـك قصيـدي وشكـواي=والبسمة اللي ماتـت الـروح فيهـا واكتب لك أبياتٍ تحسسـك فرقـاي=منها دموعك فـي الخفـا تذرفيهـا أخذي قصيدي وافهمي صدق نجواي=في لحظـةٍ كـل العـواذل تبيهـا يكفي من الفرقا تعب كل رجـواي=جدت جـروح بداخلـي وافهميهـا واْستودعك واْودعك واْقصر خطاي=عن رحلةٍ كنت أرتجـي واْحتريهـا عسى الليالي تذوقك حـر فرقـاي=وتصيـر قصـه محزنـه تكتبيهـا اْستاذنـك بودعـك قبـل ممشـاي=وكـل السوالـف بيننـا بعثريـهـا اجمل وارق تحيه اخوكم العاصمي |
مروري هنا جعلني أصل لقمة الاستمتاع
شوقتنا لنتطلع على مزيد مما تقدمه يعطيك العافيه ولاعدمنا جديدك تحياتى^^ |
هزاع العاصمي
صح قلبك ولسانكـ يالغلا قصيدة اعجز امام شموخها وجمالها ولا كن اقول الصمت امام الجميل اجمل. الله لايحرمنا جمال وجودكم يَ شعار رواسي ولا يحرمنا جمال قصيدكم الجزل *لرووحك اجمل تحية* |
اقتباس:
ما يروق لكم مستمد العون منه سبحانه وبشري بالجديد انشاء الله دمت بخير |
ارحب يا هزاع
صح لسانكـ مليووووون ولا يسدوووووون وبيض الله وجهك |
ما اجمل ان يتعانق الابداع مع التميز
ابيات نسجت باتقان وخيطت ثوبا ليكتسي به جسد الروعة والابداع صح لسانك شاعرنا مررت من هنا فراق لي ماوجدته تحياتي الشيهانة |
صح والله لسانك هذا الي محببني فيك ولا عيال الناس واجد
كثرلي من جزايلك ولا تقاطعني ,,,اهجاك ههههههههههههه |
:
: صح لسانك .. أبيات قمه في الأحساس ..وبليغة التعبير والشاعريه .. ألف لاهنت .. : : تقبل تحياتي |
| الساعة الآن 02:08 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir