والله أنه علـي النـوم ليلـي حـرام=ماغفى جفن عيني لاثـلاث الصبـاح
صال فكري,وقلبي راح نصفه حطـام=كل ماجيت ألملم ماشرد منـه صـاح
بين طبع البراءه,بيـن روح السـلام=يسرقه سلسبيلٍ مثل مـي (ن) قـراح
بلل عْروقي اللي قد طواهـا الهيـام=وأسعد أوقات عمري بين جد ومـزاح
لين فل الشريط وقال بعـض الكـلام=هالني يشهد الله يوم فضفض وبـاح
لو بعيد(ن) مااعرفه كان صار الخصام=علّي ألحق على الباقي ومـاراح راح
قلت ساحر وكاهـن! قـال ياللمـلام=وين وصلت اظنونك ياعساك الصلاح
وصلت اظنوني المسترسله في الختام=تبصم أنه معه من جند ربي اسْـلاح
فيـه جـنٍ تبناهـم علـى مـايـرام=يستعيـن بْحرافتهـم بفـن ونجـاح
لو جحدني وكابـر علّمـه يالحمـام=وصّل أبيات شعري فوق ريش الجناح
بينـي وُبينـه الله واكْـرَه الأتـهـام=بس جاه الكـلام وطالبَتْـه السمـاح

المشاركة الأصلية كتبت بواسطة محمد الروقي (المشاركة 149826) مكانها صدر المجلس مرحبا ياخوية الدرب مرحبا يالجزاله مرحبا عدد حروفهااا عز الله انك بدعتي وخبري فيك قديم ماهو جديد ياجزله صح صح صح لسانك لين ترضين وتريلة ورد وتريلة ند وتريلتين ود

المشاركة الأصلية كتبت بواسطة أحلام رماديه (المشاركة 149833) : : ياهلا بشاعرة نجد صح لسانك ملايين .. قصيده جزله وليست بالغريبه عليك ألف لاهنتي