|
أشطبو عضويتي ؟؟؟
كلمات متواضعه على الكيبورد
أشطبو عضويتي يأهل رواسي=وأتركوني بينكم مجهول زاير أعتبركم ناس ومن أعز ناسي=والغلا محفوظ في وسط الضماير ما أرتخى عزمي وباسي نفس باسي=لو يشين الوقت وتدور الدواير أشتغل فكري وزاد صداع راسي=كن في راسي يجي خمسين طاير فار دمي زود من كثرة حماسي=وأرتكت في داخلي نار(ن) سعاير أشهد أني طحت لاكن متواسي=ما أجحده واقول ماقد صار صاير ماهقيت يحط لي سم (ن)بكاسي=لين ذقت السم وأونست العزاير أعتبر ماصار كله درس اساسي=وأتعلم في جوانب وقت جاير أبدوي (ن)خابر(ن)قدري وساسي=رافع (ن)نفسي عن علوم(ن)صغاير ما شحني لا هروج ولا حساسي=عن كثير الهرج والازعاج ناير يستريح البال مع صوت العفاسي=عند خلفات (ن) مصاغير وعشاير |
خلاص تم الشطب
صح والله لساااانك لين ترضى جزل ياغنامي وتستاهل البيرق لاعدمتك تقبل مروري وكل التقدير |
ابن الباديه
لا عدمتك انت ومرورك صح بدنك مليون ريال يعني خلاص مشطوب ههههههههههههههه |
صح لسانك الغنامى بس بدون شطب عضويه
ويعطيك الف عافيه |
همس الليل
صح بدنك لين تقولين بس سررت بمرورك العطر لك ودي |
"
صح لسسسآأنك وآعتلآ شآأنك .. جزل يآبو حميد .. سلمت وسلم فكرك .. تقبل مروري ومتآبعتي .. : |
الصيرمي
صح بدنك ولا عليك زود شاكر ومقدر لمرورك العذب لك ودي وإحترامي |
صح السانك
ماشاء الله عليك اعجبتني القصيده وبذات لما طحت متساوي وختمتها بسماعك ايات بصوت العفاسي انا لست شاعر ولا اعرف قصدك ومضمون قصيدتك لاكن القصيده رووعه شاكر لك عزيزي |
| الساعة الآن 11:58 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir