ياأحمد علامك تالي الوقت منضام=ياأحمد علامك تال الوقت تبكي
ياأحمد علامك صايرن جلد وعظام=ياأحمد عشاني تشرب اليوم هالمي
ياأحمد تراني صاحبك خل الاوهام=ياأحمد تكلم طالبك لاتخفي
قلت أبتعد مالك دخل مالك الزام=أنا صحيب مات والهم لي خي
مشكاي لله من هواجيس وهيام=ياحمود لا تزعل ترى الحال مزري
اليوم أنا ياحمود لي سبعة أيام=مدري عن أحوال الحبيب ولاشي
ظنك تعشى ظنك اليوم مانام=يالله عسى همومه توقع بصدري
ياحمود لو مابه قدم قلبي أعظام=لتشوف سلمى جنب برزان تدعي
تدعي على سنجار وسنجار ميرام=جاها يتخبط قايلن وين أتكي
وقامت تغطرف له مكان هنا عام=والموت شفته في عيوني وانا حي
والدمع من عيني مثل دمع الايتام=وانا يتيمن بعد خلي ولا لي
مالي أبو مالي خوالن ولا عمام=مالي أخو مالي قريبن ولاضي
أستغفر الله والقصايد ترى الهام=أستغر الله والزمن جايرن بي
يازين قرب خلنا نعيش الاحلام=ونبقى على عهد الوفاء يابعد حي
ولا تكرم جيب لي عود مع خام=ليا بقى سبعة ليالي بعد ذي