|
تذكرت
مساك بالخير ياتاجٍ بليا قصيد=الا نوادر لشعارٍ غدت بايته
قلت اسنحك واتصفح فيك لجل استعيد=اوضاع حلوه مضت بسنيننا الفايته يوم المغنين تبدع والمتابع سعيد=ومديرنا من فعوله نشكر ولايته من قبل زين النوايا عن مساره يحيد=و(صح الله لسان)كلٍ صارت هوايته وقريت صفحات ابو بندر وفيها نشيد=وارى ابداعه لصوغ البيت وادرايته وفتحت متصفح اللي للقوافي عميد=رمح الغنانيم دايم خافقه رايته وما دون محمد العواد بي جاب عيد=بعض المواضيع من نفسي بلغ غايته والقرني اللي قديمه لاقريته جديد=اللي مجال التكلف بايسره شايته وابداع سامي ومذكر امر ثابت واكيد=يشرح صدر من قرا لو كرر قرايته وياروعة بيوت ناقدنا لو انه يريد=مكره اخا لا بطل من وينها جايته والعاصمي لا بغى حبك المعاني يجيد=يحيي بقاف الغزل مشاعرٍ مايته وعن شاعرة نجد في هالباب مالك محيد=خبير الابداع عنها كرر وصايته يقول ياللي تبي تقرا البديع المفيد=باصفى وجه له قصايد هذي مرايته وريم الفلا تنحته بل تسبكه من حديد=على البديهه تصل للهاجس املايته |
لاهنت وصح السانك ابداع
وجميل مانثرت ابيات تحسسني بحبك لهذى الصرح والموجودين فيه كفيت وفيت والشرهه في الرد على المعني ههههه عسى الله يرده سالم دمت ودام تواصلك مع العلم فكرت بتجيبني في الأول بس تجري الرياح بمالا تشتهي السفن علماً إني اثرتك بقصيدة موجهه لك دون الجميع بس ماشي الحال المهم ورد اسمي وحسن شي اترك المكان الغيري بالتوفيق |
ابو عبيد
كفيت وفيت وبيض الله وجهك وشعارنا الغايبين نلتمس لهم العذر ونقول لعل في الامر خيره اهم شي يكونون بخير ويشوفون هالقصيده ويحنون على رواسي وفي انتضار شعرائنا وشاعراتنا عن قريب تقديري لسموك النجلاء |
صح لسانك يالامير
|
صح لسانك يالشاعر
ابدعت وامتعت بحضورك الطاغي بالمتعه والفخامه والجزاله دمت بود وتقدير |
هلا يابو محمد وصح بدنك ولاتروح بك افكارك بعيد وقصيدتك اللي وجهتها لي والله ما اذكر اني قريتها والا انت من اعز من اذكر
لكن لو تمعنت وجدتني بديت بالمصرين على المقاطعه ثم اللي بعدهم بالغياب والا انت حاضر قلبا وقالبا قدمت شاعرة نجد على ريم لانها ما كانت تنوي المقاطعه ماذكرت حفيدي لانه حاضر ومفعلٍ السجن والا هو شاعر من الدرجه الاولى لاهنت يالعاصمي والمفترض ان الفار مايلعب بيني وبينك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ مرحبا يالنجلاء وصح بدنك وتواجدك كافي اهلا يالخيال وصح بدنك |
مرحبا يا ابا فارس وصح بدنك
الصوره الافتراضيه تحرك عندي مشاعر ما اصدق انها تموت بس ما اعرفك لكن احس بفكري نغاميش ههههههههههههههههههه |
أبدعت وأمتعت شآعرنا الهوآوي
وصح لسانك مليوون على القصيده الرآئعه ويعطيك العافيه على البادره الطيبه ودعوة شعرآء وشآعرآت روآسي من خلال هالقصيده الجميله وان شاء الله يلبون الدعوه ويرجعون ل واسي ويرجع روآسي نجد وتآج القصيد مثل أول وأحسن ان شاء الله |
| الساعة الآن 02:14 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir