ناح الحمام وقلتله وينكم امس=وش فيك عني مبطي بالجوابي
وراك كنك ضايق خاطرك عمس=وانته تعرف الي هواه التوابي
قال الوداع وكنه يصيبني مس=قلت اذكر الرحمن لافقد صوابي
قال الوداع ولا تذكرني بهمس=ماعاد لك ياكود اجر وثوابي
ياحيث حبك واضح كنه الشمس=وشوفك يابو مسفر وهمك طوابي
قلت احلف انك ماطمست الخبر طمس=وانك تقول الصدق بالي ضوابي
قال انت كم لي عندك جناحنا رمس=وكم لي معك عمري نطقت البوابي
حمام علمك صابني كنه الدمس=وعرى جروحي ثم زاد وهوابي
عز الله إني منغمس بالهوى غمس=اعطيك علمي وزعه للروابي
الروح ذابت مع حواسيسي الخمس=والضيق ياظني عليه نوابي
وش حيلتك يالطب في خاطر عمس=فقد حياته دوك علم الصوابي
وش حيلة الي خافقه منحمس حمس=وهم يلج بداخلي ثم عوابي
ياظنتي يالشعر في غيرهم طمس=يحرم علي كتابته وان اوابي
ياعين لا تبكين ل الطمك بالخمس=ولا تذرفين الدمع بالي شوابي
تكفون دلوني ولو تهمسو همس=وشهو علاج الي هواه احتوابي
جرحه صديده مايداويه باللمس=ومشهاب حبه في ضلوعي كوابي
وصلاة ربي عد ماصلو الخمس=على الرسول ودوك خير الجوابي