|
محاوره بين الشاعر ولد روق والشاعره ريوف
ولد روق بعد ماغبت لي مدّه نويت اسري على الشعار=ابطقطق عليهم لين رب الكون يفرجها اخذنا في البلد سجه واخذنا في الزمن مشوار=وقبل نفذ الخطه عرفنا وش نتايجها ريوف عسى ربي يسلمكم تعال نقلب الافكار=علام الناس تظلمنا وطارت مع عجايجها
ماتدري إن الزمن لو هو ترفق بالبشر دوار !=وأن الظلم لاغيم على الارواح يسرجها ! ولد روق على اللي ودكم ياريوف قولي وش حصل وش صار=ماترضى الناس لو انك على اكتافك تحججها
اعرف ان الظللايم في القلوب البيض شبت نار=ياكم من ناس تضحك قدمكم والهم ساهجها ريوف يــقـال انــي مـسـويت هـوايـل والـذنـوب كـبـار=على الله والجروح اللي بقلبي من يعالجها
انا جيت الرواسي والحزن في الجوف كنه طار=ولـكن بـعد شوفتكم .. همومي صرت ادحرجها ولدروق كلام الناس لايهمك ولو الوقت فوقك جار=ترا طرد العلوم يتعّب لنفسك ويزعجها رواسي نجد اهلها من هل الطالات واهل الكار=على وضح النقا والطيب مبداها ومنهجها ريوف آاابشرك إني مبسوطه..علاكم.. دايمة مسيار=احاسيسي على صدر القصايد صرت اهرجها معاكم دنيتي تبدا... وقلبي بايحن لسرار=ولوجيت انتخي ... بلقى لروحي من يفججها |
الله رووووووووووووووووعه المحاورة
ماشاء الله لا هنتم الله يعطيكم العافية |
الله الله ابدعتم ولد روق وريوف..
محاوره رائعه امتعتونا بيها صح السنتكم :).. يعطيك العافيه نجوله ع التنسيق. |
صح ألله ألسنتكمم
الله لايضركمم |
صح بدنكم جميعا ً ولاهنتي ي النجلاء على التنسيق
|
| الساعة الآن 07:05 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir