يا نشعتي
السلام عليكم وطابت أوقاتكم
آمل أن تحوز على رضا ذوائقكم ودمتم سالمين ،، ^-^ ( يا نشعتي )
يا نشعة الروح لا من خامرتها سيحة البال = في جوّ رايق ورومانسي يزيد النفس نشعه ***غيمة وديمة ونسناس الهبوب وصوت شلال= على مدى العين يمتد النظر والصدر وسعه والعين تدرج حدايقها ترى من جال إلى جال = ترمي بنظراتها صدر الفضا من غير رجعه والبَرّ يفرد بساطه رمل والمتكأ من تْلال = ومْن الحفاوة يقدم من سراب اللال ترعه والشمس تتلحف الغيمة وتعطي برد وإظلال = وفي شفَقْها تشوف الخد والشفة ولمعه والليل يا ليل لونَك من حلاكه حبة الخال = فيك الحلا والسلا واتلى السهرهزعه وهجعه يا هجعة الليل ذاب الشمع في جوفك وموال = وليا أصبح الصبح سمّعنا حمام الدوح سجعه يا ليت شعري يفوّض من هيوض الشعر مرسال= يطرق على باب محبوبي ضحى ويهزّ سمعه ويخبره عن طواريق الهوى في التوّ والحال = وعن مطارق هوى حبه على قلبي وقرعه ويا نشعتي يا هوى بالي وموالك على البال = يا ليت عيني بعينك تلتقي في ضي شمعه وتحققت أمنياتكم ،، |
الله الله
صح لسانك وبيض الله وجهك شاعرنا تحياتي لشخصك الراقي |
الله الله
صح لسانك ولاهنت ودام الإبدااااع |
أبدعت وأمتعت عبد الله الدنيش
صح لسآنك مليوون ولا يكفوون ويعطيك العآفيه على هالرآئعه |
الله الله
عبدالله الدنيش صح لسانك مليون مبدع وجزل شاعرنا سجل اعجابي وتقديري ولك اجمل وارق تحيه |
نص راقي
يعطيك الف عافية شاعرنا كعادتك مبدع |
الدنيش
صح الله لسانك مدد شاعرنا ابدعت وامتعت كما تعودنا من سموك الابداع دمت ودام مداد قلمك ورقي حرفك الفاخر تقديري لك النجلاء |
اقتباس:
غيمة وديمة ونسناس الهبوب وصوت شلال= والبَرّ يفرد بساطه رمل والمتكأ من تْلال = والشمس تتلحف الغيمة وتعطي برد وإظلال = الله الله تصوير ممتع للغايه وابدااع الدنيش المعهود صح لسانك شاعرنا وتسلم على هـ الفاااخرهـ تقديري,’’ |
الأعزاء خيال مطير رحيل الجوهرة محمد الغنامي شاعرة نجد صحت أبدانكم وطابت أوقاتكم مع إعتذاري عن تأخر رد جميلكم لكم كل الشكر والتقدير على جميل مشاعركم وإشادتكم تقبلوا وافر التحايا وأكمل التقدير ،، |
صح لسانك ياأبا عامر ودام إبداعك تقديري أزفه لشخصك الكريم،،، |
صح لسانك وسلم احساسك العذب
نص جميل وجزل يعطيك الف عافيه |
الساعة الآن 10:21 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir