|
ذكّرتني
سلام ياللي تترجم للذي يفهم
بوح النجوم لسماها في مساريها يا علَّك من الغداري الظاميه تسلم يا فجر يكسي عتايمها و يضويها قريت قآفك و فزّ الميّت المعدم ذكرت دنيا بها عايش و ناسيها هذا وانا مثل منهو صاح ثم تمتم في لجَّة الهم ماني في شواطيها ذكّرتني ما جرى يوم انّي اتعلَّم وانا المعلَّم من الدنيا ومن فيها كيَّاتها لا لَحَظها فيني الميسم يقول تبرأ .. فلا تخفي مواريها لقى بروحي صدى المستقبل المبهم بين الأمل والرجا فـ قلوب شاريها لكن وش يفيدني لو نادم و سلهم الروح ما عاد تقوى النار تكويها أشكي من الجود في ليل الشتا الأظلم و الا من الشوق للفرحه و طاريها و الا من البدر لا حل بـ سما المغرم و الا من العين لا هلَّت عباريها و الا من عروقي الظميانه لـ زمزم اللي كثر مـ اشربه عيّا يداويها يا كيف يومي لكل اقراني المحزم أخطي هدف روحي و اخطي مراميها هي حكمة اللي بما تخفي الصدور اعلم اللي يزوّد على المؤمن بلاويها رب ً بما يبتلينا يلطف و يرحم ياخذ من ايامنا الأولى لـ تاليها منه المرض للعباد المذنبه مَغرَم يا كيف حال النفوس ان ما يزكِّيها منه الشقا راحةٍ للصابر المكلم مثل المطر يغرق الجدبا و يحييها ءآيآته لـ مدَّكر تنزيله المحكم فيها طريق الهدى و شفاء قاريها و آيآته لما تشوف العين كـ المنجم أو روضة ٍ حيَّرت بالحسن جانيها وانا بـ حقّ الّذي ءآمن به و اسلم أبـ ادعي و دعوة عباده يلبيها يا ربّنا يا بديع الكون يـ الأعظم قلوب ً اهديتها لا لا تغوّيها أنت الذي لو بخلنا بالعطا أكرم و النّفس طمَّاعه لغفران باريها لا تغفل قلوبنا عن طاعتك و اِحلم و عن الحرام بـ حلالك دايم اغنيها إعتق رقاب امّة الإسلام لا تضرم ترفَّق و من عذاب السوء نجّيها و ختامها صلّي و سلِّم على المُكرم عِدّ السِّني المقبله وعداد ماضيها |
يا كيف يومي لكل اقراني المحزم أخطي هدف روحي و اخطي مراميها ................. ياسيدي صج لسانك . وعتلا مقامك .. ثم صح لسانك حتى ترضى أحترامي يالغالي |
أبدعت وأمتعت شآعرنا
قصيده جزله وأبيآت رآئعه صح لسآنك مليوون ولا يكفوون ويعطيك العآفيه على هالرآئعه وتستآهل الختم. |
جميل شاعرنا مانثرت هنا من جمال تشكر عليه
ابيات بحق بها من الروعة والسلاسة كذالك معانيها وألفاظها كانت قريبة من القلب تدرجت في المعنى بأسلوب أخاذ يروي الذائقة أرويتني شعر هذى المساء كل الشكر وصح السانك وبالتوفيق شاعرنا المتألق |
اقتباس:
صح بدنك و سلمك ربي يالامير طلتك تكفي و تملا النفس رضا و حبور لك أرق و اجمل تحيه |
اقتباس:
لك كل تقديري و احترامي |
اقتباس:
و عساه على قلبك بألف هنا و عافيه لا حرمني الله حضورك الوارف يالعذب لك جل تقديري و احترامي مع أرق واجمل تحيه |
الله الله
عبدالله صح لسانك ملايين يامبدع ولاهنت على هالرائعة |
| الساعة الآن 08:55 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir