|
لاتبحث خفاي
صدري حشاد ولايطيق ارجوك لاتبحث خفاي مافات عده مات وش لك بالاومور الخافيه اللي تقول اليوم من عامين هو داي وبلاي لاتكرر الطعنه ترا طعنتك الاولى كافيه من غيبتك ما فيه مصدر نور يضوي في سماي ما ادري حجبها الهجر والا هي بعدكم طافيه نوبٍ خيالي يستعيد ايامنا اللي هاي هاي الارض مرويها مطر وصل وسماها صافيه تغريد عصفور الغلا طربان كنه عزف ناي يوم الخواطر مسفهله والمشاعر دافيه وعِدٍ من اول نارده ماعاد نلقى فيه ماي عين البصيره عن مثل هاليوم كانت غافيه وليا بغيت الصدق قبل وبعد دايم لك ولاي واجيب من قال اقف عن مقفي بلا النافيه |
عين البصيره عن مثل هاليوم كانت غافيه
ياسلام بيت عن قصيدة لامس شي في نفسي صح الله لسانك يابو عبيد حتى ترضى |
الله الله
من اعذب ماقرأت,رووعه وممتعه الله يصح لسانك شاعرنا تقديري للشعر العذب,’’ |
رحيل صح بدنتس ةلاهنتي دمتي وسلمتي
تحياتي وتقديري |
شاعرة نجد مرورك شرف وشهاده اعتز بها
لاهنتي ودمتي وسلمتي تحياتي وتقديري |
أبدعت شآعرناا
صح لسآنك مليوون ويعطيك العآفيه على هالرآئعه |
وياك والله يصح بدنك وكلك يالجوهره
تحياتي وتقديري |
صدري حشاد ولايطيق ارجوك لاتبحث خفاي
الله عليك صح لسانك يالجزل |
| الساعة الآن 03:50 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir