مكنون القلوب
 

السلام عليكم ورحمة الله وبركاته

أسعد الله أوقاتكم بكل خير
هذه مشاركة من الأرشيف أحببت أن أطرحها عليكم واتمنى تحوز على رضاكم

..

الله أعلم وش حداني على نظم القصيد
والله أعلم بالخوافي ومكنون القلوب

الله أكبر يا زمن ما حصل شيٍ جديد
الدروب اللي سرينا بها نفس الدروب

نوب يملاني التفآؤل ولو مالي رصيد
أتجاهل علتي وأطلق حجاجي..ونوب

أتجرع من مرارة جفا الوقت العنيد
والمراره كلها..لا تذكرت الذنوب

وقتها كنه على عاتقي ذاب الحديد
يا كثر ما أتوب وأذنب وثم أرجع أتوب

وأتمعن في خفا قصة الصبر الشديد
والرسل بين الرساله ونيران الحروب

بين كر وفر كانوا يضدون الضديد
وبين ظلم الطاغية للرسالة والشعوب

صابروا لين الفرج سخره رب العبيد
الإله الواحد الفرد علام الغيوب

حظ من حبه ويسر له الراي السديد
وحظ حظ المبتلى بالصبر صار محبوب

ليه يحزننا الزمن والرجا حبله جويد
والآماني تقترب كل ما هبت هبوب

ليه أضيق خاطري بأمس دام اليوم عيد
بأتحزم بالصبر والصبر ستر العيوب

وأحمد الله وأشكره يا عسى عيدي سعيد
ويا عسى شمس الفرح ما تزاول للغروب

صح السانك شاعرنا ابيات جميلة
باحت بمافي داخلك اعجبتني في مضمونها وبنائها
كنت رائع وأكثر دمت ودام تواصلك ويعطيك العافية بالتوفيق

الشاعر حمد الخآلدي

قصيده جزله وأبيآت رآئعه
صح لسآنك مليوون ولا يكفوون
ويعطيك العآفيه على هالرآئعه

صح لسانك ولا هنت شاعرنا
نص راقي برقي حضورك الكريم

العاصمي
الجوهره
ملكة

حياكم الله وصحت أبدانكم ولا هنتوا على تواجدكم ومروركم

صح لسانك وبيض الله وجهك
بس مشغلني البيت اللي يقول


بين كر وفر كانوا يضدون الضديد
وبين ظلم الطاغية للرسالة والشعوب



االكر وفر عارفينها جدانا من سنين
لكن ظلم اهلها اجاويد
مهم طغاه
اعيد واكرر ..صح لسانك حتى ترضي
ولاتغيب خلك قريب يالعود
ابي اشوفك تحضر المنتدى
بدوريه , يوميه , او اسبوعيه
جاك العلم

المستشار
تستاهل ألخــــــــــــــــــــــــــــــــــــــــتمم

ههههههه
حياك الله يا خيال وصح الله بدنك وشاكر تواجدك