يامن ذبحني واموت بترابه
 

يامن ذبحني وأموت بريحة ترابه


أحدٍ إذا غاب جرح الحب فغيابه
وأحدٍ جروحه تجيك معانقه حبه

منهو يقول الجروح جروح تتشابه
جرح"ن" قويته وجرح أبطيت في طبه

يامن ذبحني وأموت بريحة ترابه
ياما عطيته وهو ماخاف من ربه

شرعت بيبان قلبي ولا فتح بابه
ياكثر ماهو مزعلني بلا سبه

إيه أعشقه وأبغضه وأموت بغيابه
وأشتاق له وأقطعه وأغليه وأسبه

والله والله مابه شي ماهابه
لاصرت في متاهاته والمدى قبه

ياسيدي والجفا لا كشر بنابه
شمع المواصل دخيل محبتك شبه

لاصرت أقرب قريب"ن" لك فأنا أولى به
صب الغلا في خفوق معذبك صبه

يامن جروحك بقلبي كنها ذيابه
جرح"ن" قويته وجرح أبطيت في طبه

يسلمو اختيار رائع
يعطيك العافيه
تحياتي

مهوره
يسلم ذوقك الراقي ياذوق
انتقاء جميل
وشاكره لك جهودك
تقديري لسموك
النجلاء

مهرة يام
يسلم ذوقك ونقلك
صح لسانك ولسان شاعرها
مروري وتقديري
لاهنتي

ي سلم ذوقك

يالمهره ~

رااائعه كروعة حضوورك مهووره
يعطيك العافيه وتسلم يمينك
ويسلم ذوقك ودمتي مبدعه

انتقاء رائع ومميز


يعطيك العافية