|
بيت شعر يبدأ بآخر حرف من أبيات
السلا م عليكم ورحمة الله وبركاته صباحكم شعر ___ ومسائكم شعر ياشعراء ويامتذوقين الشعر بيت شعر يبدأ بآخر حرف من أبيات اللى قبلك اعضاء منتدانا الغالين فكرة الموضوع رائعه ومسليه وهي ان تأتي ببيت شعر يبتدئ بالحرف الذي انتهى به العضو الذي قبلك ليس بشرط أن يكون من كتابتك فمن خلال هذه الفكره نستطيع ان نحفظ ابيات شعريه ونتعرف على ابيات شعريه جديده اتمنى ان يجد الموضوع تفاعلكم وتواجدكم والان ابتدي بهذه الابيات والباقي عليكم , , ياكسرة الخاطر وياقصرة الشوح ضحيتين الحرب والحرب طاحن قفن عن عيوني بروق(ن)لهن ضوح واتلا العهد في شوفهن عقب لاحن زينةحياة, ونصف دين, وغذا روح اغلى ثلاث(ن) في حياتي وراحن |
نويت اكـمّل عـزبة الجــيب واروح ؛ مع درب بـرّاقٍ لمع والـرعــد حـن ؛ ناديت ياغــلاّب ماشـفـت مـمـدوح ؛ ترا الوعد مع فــجّـة الصـبـح لامـن ؛ نهّـام نـادا باالســعـد كـل طحـطـوح ؛ مـن عـادته ياتي عـلى كــل مـاضن ؛ نهـيـت قـلـبٍ باالمــطالـيـع مشـفـوح ؛ يتـرك مشـاويـر الـبـراري ويــركــن ؛ نكّـد عـلي وقــلـت ياقـلـب مسمــوح ؛ ضحكت بحجاجي وضحكه من السن ::::::::::::::: :::::::::::::::::::::: :::::::::::::::::::::::::::::: التوقيع مساعد الجليدي |
ن
نبني من الجزلات بعض الطواريق = والي ورا حدب الضلوع امتداري لو اكشف الي هز حدب المعاليق= والله ليبكيلي من الضيق جاري |
ياطيب من روس المراقيب لحلوح ؛ وعـوب الفـرايـد باالمعاني تـناحـن ؛ نوّ ٍ بروقه باالـسـماء قـامت اتلـوح ؛ ودموع عـيني فـوق الاوجان فاحـن ؛ نشوة فرح تاتي لها اشوي وتروح ؛ مع جملة اطـيوفٍ لفن واستراحـن ؛ نديم الجود |
حرفك اليا يالجليدي اخر حرف من البيوت
|
ناح الحمام وهيض القلب مـا به جرحه عطيب ونار الأشواق تكويه يشكي بعد ذاق العنى في شبابه لو كان ماينفع عناه وتشاكيه فيما مضى يخفي جروح الصبابه وعقب أونس الموت الحمر بان خافيه لأظلم عليه الليل زاد التهابه واطلق عنان القاف والليل داجيه بنات فكر مثل وبل السحابه لو هاج شاعرها يسخر قوافيه يبدع صياغة نظمها في كتابه لين المعاني تنتهي في معانيه ’ هـ |
هـبّة ذعـاذيـع الشـمـال الـعـذيّه ؛ والجـو بارد والسـما فـيه رذراذ ؛ وشبيـت ضـوّي بالديار الـخـلـيّه ؛ ارضٍ بها عن لفحة البرد ملـواذ ؛ ريحـة نفـلها يـوم تعـصف قـويّه ؛ عـلى خلايا الشـم باالجـسم نـفاذ ::::::::::::: نديم الجود |
هـيه ياللّي تطلع اشـوي وتغيب ؛ وتهـيّض المشتاق ساعه وساعه ؛ ماشـفت ماعـيّنـت عـدة مـناديب ؛ حزّة طلوع الشمس بادي شعاعه ؛ صبحيّة الجمعه على سكّة البيب ؛ والكـل منهم فيه عرف وشجاعه ؛ عـطيـتهـم ياطـيرعـدة مـكاتـيـب ؛ من شان حيّ ٍ حال دونه جماعه ؛ نديم الجود |
هـات القلـم ياخـوي فـي خاطـري بــوح ودي اتـرجـم لــي طــواري وهـوجــاس واخـذ مـن الابيـات سـجّـه مــع الــروح فـي معـزلً مافـيـه مــا يـزعـج الــراس هــذي ثـمـان سنـيـن والقـلـب مـجـروح والـفـكـر شــــارد والمـعـالـيـق يــبّــاس ويفـوح فـي صـدري همـومٍ كـمـا فــوح صفـر الـدلال اللـي لهـا النـاس جــلاس امـشـي عـلـى درب المـقـاديـر وانـــوح ويهـيـض وجـدانـي لـيـا هــبّ نـسـنـاس |
س سجّيت اسلّي خاطري خلف شرشوح ؛ ذودٍ ايـسـلّيني عـن المـدن والـنـاس ؛ ذودن أيـونّسـني وانا فـيه مشـفوح ؛ في خـايعٍ شـرق النـوازي ولاطـعاس ؛ ريحة اعشوبه تنعـش القـلب والروح ؛ من شمـّها ينـسا المشاكـل ولاتـعاس ؛ من عـاش باطـرافه فـلا ودّه أيـروح ؛ ونـسـة حـياته بـس دلّه ومـحمـاس ؛ واليا تذكّر نـاعـس الطـرف ممـلوح ؛ جاب الفرايد مع تقـاسـيم الاجراس نديم الجود |
سر يا قلم واكتب على ما طرالي عبّرعن الضيقه بمضمون الاشعار وان كان نبعك جف والحبر خالي بسرج خيول الفكر وابشر بالاحبار عد القريحه من عذوب الزلالي والجو صافي والهواجيس حضّار سر يا قلم وانت الحكيم المثالي وانت الذي تهدم وتبني لك ادوار واختارمن بين النوادر جزالي بصف لك مكنوزها وانت تختار |
مشكوره يالنجلاء على الموضوع الرائع وصح لسان شاعرنا مساعد ابدع وماقصّر الله يحفظه وإن شاء الله لي عودة للمشاركه معكم دمتم بخير وسلام |
رسمت دربي مع طريق الشـمالي ؛ واخذت لي سجّه على جيب فكسار ؛ والبـرق يشـلع فـي ثـقـيـل الخـيالي ؛ شمال من لـينه عـلى فـياض سنّار ؛ لاجـيـتـهـا ياسـعـود يـرتـاح بــالي ؛ يـامـاحـلا بـااطـرافـهـا شــبّة الـنار ؛ سـاعة وناسه بـيـن صـفر الدلالي ؛ عندي لها في داخل الـقـلب مقدار ؛ نديم الجود |
راسي مصدع والبلا في راسي=من واحدٍ دايم يدربي راسه اعلمه في علم يرجع ناسي=وان قلت هات بريق جاب الكاسه وانا بطبعي معه ماني قاسي=شاعر ولي مشاعرٍ حساسه في الرومنسيه بدون قياسي=والحب في قلبي تدق اجراسه واللي هواها وسط قلبي راسي=معها الدعاوي كلها منحاسه انا قتيل لقدها المياسي=ولعينها النجلاء والنعاسه ماكنها ألا الدر والالماسي=ياليتني فوق رقبتها الماسه مشاركه على الطاير والشكر موصول لطارح الموضوع |
صح الله لسانك يالغنامي
طـــايــــره ولكن رآآآآآآآآئـــــــــعــــــه |
صحة السنتكم متابع من المدرجات
|
هاذي ثمان اسـنـين والصبـر طـرّف ؛ بين الرجاء والياس مشي ومراكيض ؛ ياخـوي يامـشـكـاي كـيـف اتصـرّف ؛ عطني خبر وعـطيك كـل التفاويض ؛ واخـذ نـصـيـحة مـثـلـكـم واتـشـرّف ؛ ورجي من الخالق جزيل التعاويض ؛ والله يـالـولا زود هــرجٍ أيـحــرّف ؛ ونـاسٍ تـدوّر للـخـطايـا مـلاحـيض ؛ ل انزل على نجع الغظي واتطرّف ؛ واســوق مـن مالي وفـوقه معاريض ؛ يـامـن أيـوصّـلّـي اكــتـابٍ مــزرّف ؛ للجادل المـملـوح زيـن الـمـلافـيض ؛ نديم الجود |
ضامي وقـلبي فـيه لهـفه وجـوعا ؛ والدمع من عيني على الخد فايض ؛ يلعـبّـي الـهـاجـوس كـرهٍ وطـوعا ؛ وجروح قلبي بالضماير نـجـايض ؛ عـلى هـنـوفٍ فـوق كـفّـه اردوعا ؛ وقرون شقـرٍ فـوق متنه نـقـايـض ؛ عـلمي بها بـيـن الرديـفـه وخوعا ؛ واليـوم تذكـرلي شـمالي امـبايض ؛ مع ضف بدوانن تشـيل المـتوعا ؛ ناسٍ تطـلّـب ربّـهـا باالـفـرايـض ؛ نديم الجود |
حالي وطاها الوقـت مدري رهـصها ......................ذوّقــني اللّــي ذاق زيـد وغـــريسه يأســف لحالي بالهـوى من بخصها ......................عـبـــرة عيــوني بالمحاجرحــبيسه عــلى الـلذي مثناة قــلبي شبـصها ......................واحــكم عــقـوده بالحـبال المسيسه سيرة غـرامي من نوادر اقصصها .....................تصعــب عـلى الهـجان وايضا لميسه ياقـلـب لا تبــكي فــوايـت افــرصها ...................دنيــاك تال الـوقــــت ماهــي ونيــــسه أطلـــق عصافير الفرح من قـفــصها .................... واســـجن أحزانك بالدروج التعـيسه http://1.bp.blogspot.com/-KlO93U9q4Z.../s1600/112.jpg عــيش الحـياه ولاتـذكّــر نغـــصها ...................... لاتصـيــر لهـــمـوم اليالي فــريـــسه الناس لــولا زودها وش نـقـــصها ..................... والمـرء يذكـر مـن طــبائع جـــليسه نديم الجود |
هـيـضـتـنــي بــغــنــاك يــاســاجـــع الـــــــورق وذكـرتـنــي عــصــرا قــديــم مــضـــى لـــــي ذكـرتــنــي يـــــا الـــــورق مـنـتــوقــه الــعــنــق وقـبـلــك انـــــا يـــــا لـــــورق دالـــــه وســالـــي زودت حرق القلب حرق علـى حـرق وخـلـيـت كـــل الـنــاس تـسـخـف لـحـالــي ذكـرتـنــي مـقـطــان خــلــي عــلــى عـــــرق ذكـــرتـــنــــي ســـــجـــــات هــــــــــاك الــلــيـــالـــي |
ياما نهيت القلـب يامـا عذلتـه=عن طرد خشف الريم يوم استذارا لشك عـذره يـوم جابـه قبلتـه=سويتهـا ويــاه رد اعتـبـارا عسيت روض(ن) بالشمال ونزلته=واخذت به مرباع وقت الخضـارا نسيت همي يوم جيـت وصلتـه=دهم السحايب في سماهـا تبـارا وبل(ن) يرذذ واكثر النـو خلتـه=شرق وجنوب وصوب سيد العذارا جبت السلاح وفوق متنـي نقلتـه=حزت طلوع الشمس قص الاثـارا والصيد في روس المفالي ختلتـه=بارض(ن) بها ربله وعينة صفارا طير السعد وافي على الكف شلته=سوه على جول القطـا والحبـارا متعت زمان ومـا تمنيـت نلتـه=هاك النهار وقبل شمسـه تـوارا مريت خلِّـي بالطريـق وسألتـه=وقفت انـا ويـاه تـال النهـارا هرج(ن) على وضح النقا ما خذلته=بيني وبينه عهـد والنـاس تـارا قدره على عرش الضماير حملتـه=يسوا قناطيـر الذهـب والتجـارا اللي بعضهم مايسـاوي اصخلتـه=ون مره المحتاج عنـه استـدارا مسك الختام ومـا توريـت قلتـه=لهل الوفى والطيب قـدر اوقـارا التوقيع / نديم الجود |
ياالله بـــنـوٍٍّ يســـقـي الـقـــاع وبــله=من منـــفـذ الزرقــا الــيا حــد نجـران وبـلٍ مــن المـنــشا منـــاشــــيه قــبله=رحـمه مـن المولى على كل الاوطان تسـعـــين لـيـل ويـــوم يوم نحـــسـبله=ســـوقـات مابـــين الضحا والمـســيّان يكــسـي نبـاته كــل روضـه وعـــبـله=وجــبال يكـسـيـها تـشــاكـيل والــوان واكـــثــر تـنـافــيـله بـهــا زود ربــله=مـدهـال وضـحٍ بيــن لــوقـه وفــيحان مـن شـافهـن قـــلـــبه يـزود الطــربله=سبحان من سوّى هاك الوضح سبحان الله وهـــب لــون المـــغــاتيــــر قــبله=اللّي وصايـفهـن تقـل وصـف غـزلان مـن لامـني ياحـمود مـجـــنون وابـله=وش عـــاد لو مالي مـع البــدو ذيـدان التوقيع نديم الجود |
نجل العيون اللّي ذبحني هدبها=صارت على دربي مع الوقت عاروض لاقلت ياقلبي تركّد وسبها=قام ايتنكّر فوق الامتان منقوض اشقر طويل عروق قلبي جذبها=صحيح هاالدنيا مقاسيم وحضوض هنيت منهو في يمينه قضبها=بالسنّه السمحه على شرط مفروض وابد مطاليبه وكمّل طلبها=مبدا تفاهم في قوانين وفروض نديم الجود |
ظافي القصه على الطرف الخجول تنكسر شمس العصر بظلالها وصفها وصف السحاب اللي يحول كل عين تستخيل خيالها او كما طاري على الخاطر عجول صاحبه حقيقته ما طالها |
اه من قلبٍ يبيه ولايطول=من ظروفٍ ماتمد احبالها لي ثلاث اسنين والقلب معلول=من هنوفٍ رمزها سلسالها لو يزول طويق حبه مايزول=وسط قلبي ثابتٍ منزالها نديم الجود |
اسهرك ليل والشوق بي يجول على جال الغلا شبيت ضويي اعاني الزمن والوقت يمكن يطول متى على الله انولك يابعد حيي تعبت وبيني وبينك الصبر يحول احتريك و المنايا من دونك تعيي سعود الشمري الوافي |
يعز غنى النفس ان قل ماله ... ويغنى غنى النفس وهو ذليل
يسلموووو نجوله على ماقدمتي من مجهود |
لعل من يفرح بشيل المشاعيب ويصير في فرقى الرفاقه سبايب تقطع عراويه من الرزق والصيب ويموت ماتنظر عيونه حبايب وتصفى النفوس ويركدن المشاريب لا به ذنب عقرب ولا به نشايب |
بديت باالعالي طويـل المراقـيب ؛ وجرّيت موّالي بروس الجـذايب ؛ ضلعٍ اتوكّر فيه عكف المخاليب ؛ وقـمت اتذكّـر دار شـقرا ذوايب ؛ بيني وبـيـنه ماتـروح المـناديـب ؛ وحالوعـلـيه مـن القـرابه قـرايب ؛ مع طاري الفرقاء تزيد الواهيبب ؛ وقـلبي عليها بين الاضلاع ذايب :::: نديم الجود |
بـيــن الـمـسـافـات مــــع رجــــل وممـاشـيـهـا
تبـحـث عــن الـــدرب تـتـعـب ويـــن تـتـوجـه لاكـــثـــرت اهــــــداف نـــفـــسٍ زاد شـانـيــهــا لا الــوقــت يــرحــم والا الابـــــواب مـنـهـجــه فـي لحظـة الصـمـت بــوح النـفـس خافيـهـا يـضـيـع وجـــه الـمـطـر مــــن قــــوة الـعـجــه |
هز الظلوع و جاوب الخافق ونينه يوحي الصوت ذيب(ن) يسمع صددها بين الاثنين تذرف دموع .. الله يعينه تنزف جروح الزمن وماضي عهدها الشوق .. والوله في حالة سكينه هيض(ن) بالحشاء حنين الوجد وحدها سعود الشمري الوافي |
صح الله لسانك يالوافي
وصح الله لسانك يامساعد ماشاء الله عليكم كلكم جبتو نفس الحرف بنفس الوقت نكمل عادي مشاركتين بحرف { هـ } |
اسمع صدى صوتي ياراعي المديحه جرة الموال مع ...بحة الصوت مذبوحه لمة مشاعر وظلام اليل وفركة مسابيحه فيني من التوق.. احاسيس(ن) مطروحه صفير الدرايش يهول ... ويهيض القريحه سعود الشمري الوافي |
هـلا هـلابـك عـد ماغـرّد الـطـيــر ؛ وعـداد برّاقٍ بعـرض السـما ناض ؛ برقٍ يخـيـلـونه عـلى راف وصويـر ؛ مدهال خشف الرِيم مرِبع ومقـياض ؛ ياناعـس الـطرفـيـن ســيد الـغـناديـر ؛ ياللّي تراضيني الـيا صرت مغـتاض ؛ بالـقـلـب لـك عـنـدي مـعـزه وتـقـديـر ؛ ودّي الـيـاشــفــتـك تـريّـح وتـرتـاض ؛ تصبح وتمـسي ياحـبيـبي عـلى خـيـر ؛ وحذرا تصدّق هرج عايض وعوّاض ؛ نديم الجود |
ضيقت صدري حيل يوم الوداعي وحرمتني بك فرحتي يوم رديت دعيت لي همي ومن غير داعي ليتك تركته من اساسه ووليت قبل النهايه شلتني من ضياعي وحطيتني قدام موتي وقفيت لاشك انا اللي ماقويت الصراعي من كثر ماناديت ياصاح مليت |
تـلـيتـني يابوالعـيـون الـوساعي t تلّه تفـتـت ثـومة القـلـب تفـتيت t تلّت خطاة الذود لاصاح راعي t صوته دقاق وتلهّن بالتصاويت t وضحٍ مع البـيدا بعاد المـساعي t مدهالهن بـين الحـفر والثـليـبيت t قربك علاج وحب مثلك متاعي t وانا جـريـح وسـوّبي مـاتـورّيت t نديم الجود |
يانور عيني كـل ماحل طـرياك :: دمع المحاجر فوق خدّي يهلّي :: لولاك مانكـتب ولا حرف لولاك :: ياعين وكـريّن على راس تلّي :: ايمر على كيفك ونوّخ مطاياك :: تراي جيتك ياهـوا البال كـلّي :: :نديم الجود: |
ياصباح الخير ياوجه الخير في صباحك ياهمس العصافير ياعطر الورد وندها ياصباح البحر وامواجه على سيفك ياصوت المطر وهتانها على خدها سعود الشمري الوافي |
اسـاهــر الـلـيـل واثـــر الـلـيــل مـشـفـوحـي يـبـغـاه دوبـــه سـهــر عـيـنـه و مـخـزونـه و أخذت لي مع طـروق القافيـة شوحـي وسـهــل انـقـيـاد الـقـوافـي فــــدوة عـيـونــه مالي هدف غيـر ضحكـة سـن ومزوحـي والله عـلــيــم بــصـــدري ويـــــش مـكـنـونــة لـو كــان بــاب الـمـزح مـاهـوب مفتـوحـي لــكــن أجــزتــه عــلــى فــكــري و قـانــونــه |
هيـضـتـنـي ياحـمـامٍ تـقـطـن الدوحي
بغنـــاك يالـيــن بـحـت اسـرار مامــونـه هديت حيلـي وانا اراعــيـك وانـوحـي اسهر لو ان السـهر معـروف مضـمـونه تغيب لو هو غـيـابـك دون مـصـلـوحي وترجع ولاكن روحـي منــك مغـبـونــه تخطي وانا اقول يالمزيون مسموحي والعــذر يـمـك يعد اللــي بطـبـلــونه بيديك مرهم عـلاج لمـعضم جروحي وابحث عن اشخاص بيديهم يداوونـه |
| الساعة الآن 07:48 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir