انا سويت في قلبي وطن ماله شعب وأسياد
1 مرفق
سهرة البارحه والناس من حولي جميع ارقاد=مع طـيـف الغزال اللـي غـلاهـا منخلق فيني الشاعر بشير العتيبيتقول اشلون قلبك قـلت قـلبـي أستفاد وفاد=يفيد الحزن فـي بـعدك والـى جيتي تداويني بعد ما كـان جـمـر الشـوق في قلب العنا وقاد=سكب مـزنـك وطـفـا جمر كـان الامس يكويني وتقول اشلون صرت الحين قلت لخالقي حماد=بـ فضله مـن حــزون الـبـعـد واللوعه شفيتيني وقالت وش جديدك قلت كلن في جديدي شاد=جديدي فيك وانتي فــي جـديـد الشعر ترميني اغني فيك وأجهد هاجـسي يا اغـلا العباد إجهاد=ولـكـنـه يـجـيـب اللـــــي يجـمـلـنـي ويرضيني اسـوق مـن الـجـزيـل اللـي يـوقـف دونه النقاد=وانا اسـتـوحـي حـروفـي من غلاك اللي يعنيني يا بلسم جرحي اللـي كـل ما غاب بـ غيابك عاد=يا لولا حب فـي قـلـبـي وصـوره في جفن عيني هـلـكـت ولا هلك مـثـلـي مـن العشاق والتعداد=ماهوب حلمي ولـو طـال الزمـان وشانت اسنيني ياليت العمر بــوجــــودك على طول الدهر يزداد=ويـقـصـر يـوم تـبـــغــي واحـدن غيري وتجفيني احبك واعشـقـك عـــشـــقٍ على حبي لربعي ساد=مـن اول مـولـــدي يــجـــري غـرامك في شراييني الا ليت الزمـان اللـــــــي جـمـعنـي بك بلا ميعاد=يطول وحـبــنـا يــــســـــمــو يا قـلـبي بينك وبيني يا لو أنـه بـكـيــفـي فـــي الـهـويـة سـاعـة الميلاد=اســجــل ســاعــة الـقــانـا مـــع الـتـاريـخ بـ يديني نـعـم يــوم الــغـلا اللــي وثــقــه شعر وقلم ومداد=بـدايـة يــوم مــيـلادي مـن الـمـاضـي الـى الحيني انا سـويـت فـــي قـلـبـي وطـن ماله شعب وأسياد=سـوا اللــي بـ الـــوفـــا والــصـــدق اغليها وتغليني عسا الله يحـفـظ طــمــوحــي مـن العذال والحساد=ويـحـمـي غـايــتــي مــن خـبث عـذالـي ويحميني نـبـي نـعـيـش بـأمــــن وأمـان مـا نـبـغـا جفا وإبعاد=عــســا الله لا يــــفــــرق بــيـــنــنــا دنــيــا ولا ديني |
الله الله
صح لسانك لين ترضى شاعرنا على هـالفاخرة والرائعة ولاهنت تقبل حضوري وتقييمي المتواضع |
صح لسانك يالجزل
ابيات جزله وكلها فخامه يعطيك العافيه تقديري لك |
/
صح لســــــــــانك وسلم بنانــــــــــــــــــك شاعرنا ع هذه الفاخرة الجزلـــــــــــة |
بشير العــــــــــتيبي
اجدت في هذا النص الفخم يعطيك ربي العافيه وصح لسانك يابطل لقيت روحي |
أبدعت وأمتعت بشير العتيبي
قصيده جزله وأبيات رآئعه صح لسآنك مليون ولا يكفون ويعطيك العافيه على هالرآئعه |
الله الله
ياسلام عليك وصح الله لسانك شاعرنا المبدع كايفه ونايفه وجزله دمت ودام مداد قلمك ورقي حرفك الفاخر تقديري لسموك النجلاء |
الله الله
بشير العتيبي صح لسانك واعتلا شانك مبدع وجزل شاعرنا الله لايظرك سجل اعجابي وتقديري ولك اجمل تحيه |
الساعة الآن 08:23 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir