أمنول كل يوم اسمع سوالفها =واليوم مدري وش الي صدها عني
ماقلتها لجل اعاتبها وكلفها =لكن شي يحد الشاعر يغني
الناس تفضح دواخلها عواطفها=يعني هذاه اعتراف{ن} ونفضح مني

هذي هي الدنياء صواديف وكدور= الله يغثك يالحياه التعيسه
ان شفت بعيوني شعاع من النور= طبيت في غب الحضوض الخسيسه
مشكور يا يوم امس واليوم مشكور=علمتني قبل انزل الجم اقيسه

قالو شروق الشمس يعجبك قلت ايه=يطري على قلب المقفي طواري
يهزني شي تحرك طواريه = قالو تحسه قلت بالدم جاري
قالو وبعده قلت قررت اخبيه=عجزت اجاري مجريات الجواري
قالو وصبرك قلت ماعاد لي فيه= انا على لوع المقادير ضاري

احس اني على قرع الطبول الصامته غنيت=ولا ياشين من غنا ولا سمعوه جمهوره
ابا حسب قيمتي في سوقهم ياكم وش ساويت=وباخذ من كئابة صدر بالايام كم دوره

ان شفت قدرك طاح من عين مغليك=اصبر وعبق الصبر تلقا البدايل
اما تزين وداير الوقت يرضيك=ولا على الخيال عسف الاصايل
وياك ثم اياك قولتك وش فيك = مايفهم المقصود غير القلايل
والعلم حطه وحفضه بين اذانيك=ايك سر{ن} ثم يقولون قايل

يازول تضحكبي ع شانك على جيب=ما اعطاك ربك خايف منك يازول
حنا تروح فلوسنا فالمواجيب =ونت عشاك اليا تكلف صحن فول

ياذا السحاب الي معه برق ورعود
امطرعلى قلـب مـن الــود ضــامي
بـلل فيــاض الــقلب يـاديم بركـــود
برد لهيب من عنـا الشـوق حــامي