ما انته بسالم وانـا جساس مره / لجل تحرقني مثل شمس الظهيره
حظي اللي مـا يجي في العـمر مره=ما عرفه إنـسـان فـي شبه الجزيره ما يـجـيــنـي بـ السعاده والمسره=والحزن فـي خافقـي سيرته سيره من غياب اللي ترك في القلب حره=يـوم وادعــنـي وقـلـبـي يستجيره قـفـت اركابـه وقـلـبـي الحزن فره=فـرةٍ مـاهـي عـلـى غـيـري صغيره ومارحمني الــشـوق فـي كره وفره=كل يـوم يشـب فـي صدري سعيره كـل يــوم احـلـم بـشـوفـه واتـحـره=وادري انـه بـ الـجـفـا حـدد مصيره موطـنـي مـاذقـت مـن قمحه وبره=شفت منه الضـيـم والخافق نصيره صـرت شـاعـر بـالـحـزن يعلن مقره=خـافـقـي مكـسـور وحروفي كسيره ودي اصـرخ مــن فــراقــه واتـشـره=مـيـر اخــاف اصـيـر علك بكل سيره واكتم اهمـوم الحشا والصوت اجره=جـرةٍ مــن خــافــق اهـمـومـه كثيره يلمس اجـــروح الـكـواكـب والمجره=والـفـضـا والــكـون وجـمـوعاً غفيره طـالـب اللي عـــاشـــقٍ عشقه يسره=لا يـعـذبـنـــي وانـا مـانـي خـشـيره لا يـطـري اللــــي عـبـر بـحـره وبـره=ينقـض جـروحــاً وسـط قلبي خطيره الهواء مــن عقـب شـهـده ذقت مره=يـنـفـح بـ كــيــره بـعـد نفـحـة عبيره والـسهر سـيـطـر عـلـى جفـني وضره=الـعـبـاد انـيــام وعــيــونــي سـهـيره يـا حــيــاة الـــروح يـا قـلـبـي وسـره=يـا نـجـومٍ فـــــي سـمـا العالم منيره مـا انـتـه بـ سـالـم وانـا جـسـاس مره=لجل تـحـرقـنـي مثل شمس الظهيره دربـي اللـي كـنـت بالـمـاضـي تمره=الـرمـال تـجـيـه مــن صــدك مـغـيـره والـخـتـام اخــر كــلامــي يـ الـمـكـره=بـيـت للــــــي مـا رحـم لـوعـة اسيره شــاعـــرك للـحــيــن مـنـك مـا تـبـره=يـوم غـيـره يـحـسـب أن الـبـعـد خيره |
الله الله
بشير العتيبي صح لسانك مليون يالجزل مبدع ورائع كما عهدناك شاعرنا سجل اعجابي وتقديري ولك اجمل تحيه |
ما يـجـيــنـي بـ السعاده والمسره والحزن فـي خافقـي سيرته سيره من غياب اللي ترك في القلب حره يـوم وادعــنـي وقـلـبـي يستجيره الله الله بشير العتيبي صح لسانك مليون يالجزل مبدع ورائع كما عهدناك شاعرنا سجل اعجابي وتقديري ولك اجمل تحيه وكل عام وانت بخير شاعرنا تتستاهل التقيييييم والتميز خيال ~ |
اقتباس:
|
اقتباس:
|
صح لسانك يالعتيبي
مبدع وجزل ماشاء الله عليك يعطيك العافيه على هالرائعه تقبل مروري وتقديري |
الله عليك يابشير
شاعر تجيد العب على القوافي بحتراف اسعدني المرور من خلال متصفحك الجميل وصح السانك حد رضاك ولاهنت على هذه الفاخره دمت ودام عطائك اجمل تحية |
الشاعر بشير
صح لسانك مليون ولاهنت على هالرائعة ... |
الساعة الآن 12:59 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir