أنت السحاب
 

احببت المشاركة هنا ومن خلال تاج القصيد للتواصل
معكم أمل أن تحوز على رضاكم وبالتوفيق للجميع

أنتِ السحاب بطلته هل هتان
تسعد به الأشجار ويبلل الورد

مابه رعد لابرق ينساب ودان
يشفي جروح القلب وتربع الجرد

أرسم تعابيري على حروف ووزان
وانوخ العاصي من النايد الشرد

هقيت يوم إن داخلي ود وإنسان
وفيك الهقاوي كنها لعبة النرد

ما فادني ياليت ياعل و إن كان
وكثر الحكي وأشعاري وزايد السرد

غيبتك عني تجلب هموم وحزان
وتزيد برد شتاي بمقاطعك برد

بين الظروف وغيبتك كان ماكان
سوالفٍ لو مكيجت بيّن الحرد

من كثر مافكر بدى الطرف سهران
وريحني الله يوم ذكرني الورد

وسلامة قلوبكم
اخوكم العاصمي

يعطيك العافية على المرور الجميل
اسعدني كثيراً بالتوفيق اخي الكريم

شاعرنا
صح لسانك ولا هنت
ابيات جميله يعطيك العافية

صح بدنك مرور اسعدني كثيراً لاهنتي

أبدعت وأمتعت شآعرنا
قصيده جزله وأبيآت عذبه
صح لسآنك مليوون ولا يكفوون
ويعطيك العآفيه على هالرآئعه

أبيات رائعه ومميزه
العاصمي
تسلم على روعة الطرح الجميل
الله يوفقك

الله الله
ياسلام عليك وصح الله لسانك
مبدع وجزل دومآ شاعرنا المتألق
نص فاخر يستحق التقييم والتميز بكل فخر
تقديري لسموك
النجلاء