قصيدة..اعيش من الزمن حاير
جديدي هنا ومن خلال هذى المكان الجميل بوجودكم والمعذره عن الغياب
الخارج عن الإرادة
احس البارحه قلبي حزين وخاطري مكسور=هدايا الحزن مرسومه بوسط القلب نشوانه وسلامة الجميعواشوف الوقت به خله بدأ يرسم علينا الدور=فرض خطه على كيفه نوى غدره وبهتانه وعيش من الزمن حاير وحالي من العناء في حدور=عسى الله يطلف بروحٍ من الايام تعبانه واشوف الشرق في ورطه وحسبه حسبة المنحور=على أرضه طغى السارق سكن سهله ووديانه سلبني موطني الغالي بلاحقٍ ولا دستور=هتك عرضه بلا رحمة عثا في الشعب ووطانه كريم النفس يزهمني يدور فزعتي والشور=وذيك اللي تنوح ابلى جدى في الهم غرقانه وطفلٍ يحزنك صوته شكى حر السنين الجور=مع السجان في قيده قهرني فعل سجانه وذيك اللي تصيح وتشتكي شر البلى والعور=سلبها طهرها الغادر وراح يزيد حقرانه ألا يامةٍ نامت وبأن بها الخنا والبور = ترى العيشه بلا عزه سوى والموت وجعانه تعالو ياصقور الشرق نوحد صفنا المبتور= مع الوحده يحير المعتدي ويضيع برهانه نبي نصعد مع القمه ندك اقلاعهم والسور= مع العليا وميض البرق يعيد امجاد شجعانه كلام الحق واقوله وبين وضعي المقهور = لأن الواقع بصدري لهيبٍ شب نيرانه وإذا جرحي بدى ينزف وقلبي ناح لك مخطور =تأكد يانظر عيني بعيش الجرح وأحزانه طمعت الوقت يسعفني وجيكم خاطري مسرور= ولكن حظي العاثر تمادى وعتلى شأنه حزين القلب لاشفته ضحك لا تحسبه مبهور= رسمها بس لعيونك لأنك نبض شريانه بلادي المجد في قربك رياضٍ عشبها ممطور= بلادي العز في عيني سحابٍ هلت امزانه وقلبي وإن طرا عزك بدى ينبض بكل شعور=معاني الشوق في صدري حمامٍ يسجع ألحانه رياح الشر لا ثارت ترانا نقتفيها صقور= على حد السماء نضوي جيوش الغدر خسرانه ومهما طالت الشده يجي برقه يشع النور=من المنشا حقوق الوبل يهد الشرك وعوانه نسيم الورد وإن هبت شذاها ووردها النثور= ترجعني زمانٍ فات يسر القلب هتانه تذكرني فعول ابطال صلاح وجعفر المنصور= أعدوا المجد من أصله وصار النجم عنوانه وحنا نرجي المولى يعيد امجادنا في سطور=يعيد المجد والرفعه الشعبٍ هد بنيانه وإذا المعني وطا رأسه وصار بفعلته مجبور = تعوذ يازمان العز من الشيطان وعوانه كذا يسعد حزين القلب وتخضر الديار البور =مع العليا حزين القلب تفتح ورد بستانه اخوكم ...هزاع العاصمي |
ياسلام ياهزاع
صح لسانك يالجزل مبدع وجزل موغريب عليك يعطيك الف عافيه احترامي لسموك تم التنسيق |
الله الله
ياسلام عليك وصح الله لسانك ملايين كايفه ونايفه وجزله وشهادتي فيك مجروحه شاعرنا عوداَ حميداً والحمد لله ع السلامه واخر الغيبات ان شاء الله دمت ودام مداد قلمك ورقي حرفك الفاخر تقديري وتقييمي وختم التميز لسموك النجلاء |
||
ياسلام عليك شاعرنا العاصمي هزاع ابدعت وأمتعت صح لســــــانك مليووووون على هذه الفاخرة الكآيفة الجزلة لاهنــت ولاهان منطوقك |
هزاع
من طول الغيبات جاب الغنايم وانت غبت وجبت لنا هالرائعه الهادفه اللي تحاكي مشاكل امة الاسلام والعرب صح لسانك ملايين يا بطل وعساك علي القوه ابيات رائعه ومميزه ومليانه بالشعر والامحتوى والافكار الجديده والله يطول بعمرك ويعطيك العافيه وعودا حميدا تقديري لك |
الله الله
صح لساانك وابداعك هزاع حتى ترضى وعوداً حميداً اخر الغيبات ان شاء الله |
عودًا حميدًا هزاع واخر الغياب يارب
وصح لسانك مدد ولاهنت |
هلا بك هزاع
وعودا حميدا وآخر الغيبآت ان شآء الله وصح لسآنك مليوون ولا يكفوون ويعطيك العآفيه على هالرآئعه |
الساعة الآن 07:44 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir