طيب لافعال
اسلم وسلم لي على طيب لأفعال= صدق الفعول اللي عليها التكانه يحري بها رجال عن ألف رجال= عزيز قوم وما رضي** بالاهانه لا هو بمن عمٍّ ولا هو بمن خال= حرّ شلع* بالجو* وأعلى* مكانه يخفق بجنحانه من الجال للجال= ضربه* مكن بالصيد يآخذ سمانه ما ضامه الا الوقت واسرف به الحال= عزي لمن* شاف الغبن من زمانه تبدلت به كل* لاحوال* بأحوال= وفيه* استوى عالي المكان وطمانه ما كل مم هو يلبس شماغ وعقال= يكسب على صعب المواقف رهانه يالمجلس اللي تجمع الوان واشكال= من كل راسٍ في خبث ولعانه مادمت منصى* للهلايم* ولأنذال= ما بيني وبينك وداد وميانه قومٍ على المكشوف تضحك وتختال= رجالهم* بالهرج** يذرع* لسانه وان عودت للجد* مافيه مثقال= من المراجل* والظفر* والرزانه ما دام فيك الحق معدوم ومحال= ويشرع بك الباطل ومرفوع شانه يحرم علي مقلاط صدرك ومدخال= نفسي عزيزه* مالها* فيك* خانه لابد يا دنيا العنا لك من أقبال= بوجهك الضاحك ورد الأمانه طبع الفتى يبرك وللحمل يشتال= ما يرتخي عزمه ولا عنفوانه اسرج حصان العز لو كنت خيال= من يمتطي* للعز* صهوة حصانه |
الشآعر حمد بن سآيمه
قصيده جزله وأبيآت رآئعه صح لسآنك مليوون ولا يكفوون ويعطيك العآآفيه على هالرآآئعه |
صح بدنك ومشكوره اسعدني مرورك ولك كل الشكر والاحترام
|
حمد بن سايمه
صح لسانك ملايين نص فخم وجزل من شاعر جزل وفخم يعطيك العافيه وتستاهل التميز تم تنسيق النص تقديري لك |
ابن سايمه
صح الله لسانك ملايين شاعرنا ابدعت وامتعت كما تعودنا من سموك الابداع والامتاع والحضور المميز دمت ودام مداد قلمك ورقي حرفك الفاخر تقديري لك النجلاء |
الله الله
بن سايمه صح لسانك واعتلا شانك نص جميل وابداع غير مستغرب سجل اعجابي وتقديري ولك اجمل تحيه |
الله الله
صح لسانك مدد بلا عدد ولاهنت |
صح لسانك ولا هنت شاعرنا
نص راقي برقيك |
الساعة الآن 09:50 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir