وين دنياااك
السلام عليكم وأسعد الله أوقاتكم وكل عيد وأنت بخير ،، ^^
قم يا نديب القوافي مثل ساعي البريد = رح للمقفيّ وحط القاف ع القافيه طق المسامع وفك الباب لو هو حديد = عسّ الملامح ونبّه عينه الغافيه وإلق التحية مع النسمة لباهي الخديد = وصبّحه مع نسيم الصبح بالعافيه قل وين دنياك ياللي رحت عنا بعيد = أرجوك عوّد علينا غيبتك كافيه يا كيف تهجر محلك وسط بيت القصيد= دنيا القصايد خرابه دامها جافيه والحال من عقب جفوك صار مثل الشريد= لا الحال حالي ولا الأيام له وافيه والعيد لو تعلن الأرصاد ما هوب عيد = العيد بدية هلولك والسما صافيه ^^ وسلامتكم |
الدنيش
صح الله لسانك ملايين ابدعت وامتعت كما تعودنا من سموك الابداع والحضور المميز دمت ودام مداد قلمك ورقي حرفك تقديري لسموك النجلاء |
أبدعت يابو عامر صح لسانك حتى ترضى يالقرم وكل عام وأنت بخير ,وعيدك مبارك |
اقتباس:
^^ ،،النجلاء شكرا لحضورك الكريم وإشادتك الطيبة وصح كلك ولك أطيب التحايا وأجمل المنى |
اقتباس:
^^ ناقدنا عبدالله .. حضورك تشريف يا بو محمد وصح بدنك وشكرا لك وكل عام وأنت طيب وبخير ،، |
وعليكم السلام ورحمة الله ووقاتك اسعد واجمل
وانت بخيير صح الله لسانك ملاييين على هالجميلة ولاهنت |
صح لسانك شاعرنا
نص جزل ورائع تحياتي |
صح لسانك واعتلا شانك
ابداع في ابداع قواك الله,,,, |
الساعة الآن 01:28 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir