يا دار لا تكثر علينا المشاريه
 

يادار لا تكثر علينا المشاريه
ما صدّرت عنك الضماير معيفه

الوقت ساق اضعوننا مع مشاهيه
الين قرّت حول وادي حنيفه

صار السبب واللي على الله تاليه
مريض يرجاله، وبعد،ووظيفة

لكن وعد يا دار ميعادٍ اوفيه
لـ انجيك لوٍ الزيارة خفيفه

مافيه احد يا دار يرخص مرابيه
وفيها قضى من الحياة النصيفة

واللي وراك الرجم فيّة عصاريه
اذكر لها جلسه ليا زان صيفه

رجمٍ على اسمه جل خالق رواسيه
كف العروق الحمر عن الحتيفة

في جاله وفـ اعباله وكل واديه
لي غير دارٍ لي ديارٍ مريفة

منازل ازحول الزمان ودواهيه
فا الروس طيب وفا الدواوين ظيفة

والكفو ما ينكر ذخاير مجانيه
الين من دنياه تطوى الصحيفة

فيهم يسوق الفخر من حدّ اقاصيه
ويحط من فخره جبالٍ. منيفة

والطير وش يسوى بليّا جناحيه
والرجل ويش ابدون درعه وسيفه

ربعي ولو الوقت تجري جواريه
اللي علينا بين عدله وحيفه

زوداتهم تزود ف اسمي وطاريه
وزلّاتهم عنها عيوني كفيفة

صحح لسانك شاعرنا على هالرائعة