الهـاجـس اللـي ثلاث ايام مـشـغـلني=لا قـلــت هــادت علـومه زاد هنـدابه
لــو انــه يــــروح يـــوم اســجْ واغــنّي=والله مـا احـول من المـرقاب وارقابـه
هــــمٍ يــــودع وهــمٍ غـيــر ياصـلـني=والـهــم يـثــر عـلـى الرجـال لاصــابه
والطّـيب انشـد عنه لو ما نــشـد عنّي=ما تـنـثني هـقـوتي يـــوم اتـهـقـوا به
ليا وقف راعـي الوقـفـة مـعــي كنّي=ملكت نجد العذِي مرعــاه وهـضـابه
واللي على طيب ذكره جيت متعني=سيـفٍ تـسـله علـى ماشـيت بنصابه
حاتم طلـيق الحجاجين ابلج الـسنّي=تسـدّني فـزعتـه عـن باقـي عـتــابه
جعل ابو سلطان طول العمر متهني=ذخـرً لـربـعـه وعـزوت مـن تـعـزوابه
المـاقـف اللّـي يضـد الرجـل ويعنّي=إليا لبـس مشلـحه مـن حينه اْرهابه
اظـن بالخـير فيه ولا اخْـتلـف ظـنّي=المـال يرخـص معـه والجـاه يسعابه
راعـي هلا والشـحم والطيب والبني=في مجـلـسٍ ماقـفـل من خلقته بابه
الشـكـر والـمـدح والتـقـديـر له مني=حرً يـروم الـصعـاب ويفـتل اشـنابه
من روس قـومٍ تعـقل الـهرش وتـثني=وسلاحهـم فالحـريب يـبيـن مضرابه
الاد غـنـام يـــــوم الــســن والـعـني=للـمـوت تـارد وللـفـنـجــال شـرابــه

المشاركة الأصلية كتبت بواسطة رحيل (المشاركة 516739) الله الله صح لساااانك يا ابو بندر والنعم بالمادح والممدوح آبيات جزله من جزل ومبدع اُسجل اعجابي وتقييمي المتواضع وختم التميز

المشاركة الأصلية كتبت بواسطة بعيد المراميس (المشاركة 516745) راعي هلا والشحم والطيب والبني في مجلسٍ ماقفل من خلقته بابـه صح لسانك وبيض الله وجهك جزله من راس جزل وأبو سلطان كفو ويستاهل سلمت ودمت