أرض السلام
ما فيه شخصٍ شاعر إلا ومجنون
على شياطين القصيد الله أكبر وأنا على جنية أفكاري امون وتقول صبرك مير مافيني اصبر غنيت في حب الوطن شعر موزون قليل في حقه ويستاهل أكثر دارٍ بها قلبي مولع ومفتون من يوم أنا طفله ومن بعد ما أكبر سلام يا دارٍ بها الدين مصيون أرض السلام وشعبها خير معشر دار الملوك مطوعة كل فرعون منهم طغاة الأرض تخشى وتحذر للشعب وحدود الوطن درع وحصون من بطشهم روس المعادين تُقهر آل السعود مدلّهة كل محزون دخيلهم باللي تمناه يبشر يا موطني عقبا لخمسين مليون عامٍ وحنا بك نماري ونفخر ونعاهدك ما نخلف العهد ونخون وقت الرخاء والا ضحى اليوم الاقشر ابشر بجندٍ دون حدك يذودون بالمال والارواح والدم الأحمر سلمى القرني |
ابشر بجندٍ دون حدك يذودون
بالمال والارواح والدم الأحمر صح لسانك شاعرتنا تقيييمي لسموك |
الله الله
ياسلام عليك وصح الله لسانك شاعرتنا المبدعه والمتألقه ويستاهل الوطن هاذا النص الشامخ دمتي ودام مداد قلمك ورقي حرفك تقديري لسموك النجلاء |
سلمى
الله الله عليك مبدعة وجزلة صح لسانكِ والوطن يستاهل اكثر لاهنتي شاعرتنا |
الشاعره القديره سلمى
صح لسانك و سلم قلبك و بيَّض الله وجهك و يستاهل وطننا كل الخير و الفداء دمتي بكل خير و محبه ولك ودي و تقديري و احترامي |
الله عليك شاعرتنا
صح لسانك ولا هنتِ |
صح لسانك ياشاعرتنا الرائعة وتسلمين ولاهنتي،،، |
اقتباس:
قليل في حقه ويستاهل أكثر نعم الوطن يستاهل اكثر من الشعر من الدعاء من الولاء والله يعز وطننا وسادته وقادته وشعبه ويحفظه من كل مكرووهـ نص وطني فااخر صح لسانك سلمى صح لساانك ودي و وردي,’’:7: |
الساعة الآن 01:27 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir