ذكريات مبطيه
متواضعه للمشاركه في تاج القصيد فقط
ياجعل غيمٍ غطا شمس الغلا ينجلي=وحلاة الايام تمدي روعة لياليه تهزني ذكرياتٍ مبطيه يا علي=لكهربة بعضها بي ذبذبه عاليه اخضع لما حل منها وانتظر ما يلي=تشد فكري ومعها ينشغل باليه مفعولها دون شك اكيد يثر عليِّ=لا ابكتني الاوله تضحكني التاليه تظهر لي اللي محاه الدهر واضح جلي=وتحلي المر لي وتمرر الحاليه اقلب اوراقها تقليب وايبين لي=معالمٍ عشتها بايامنا الخاليه واسمٍ لشخصٍ عنه قلب العنى ما سلي=ومن هي لها الاسم ما ظنيتها ساليه عفا على كل ماصار الزمان وبلي=ياعونة الله فال الله ولا فاليه |
الله الله صح لسانك شاعرنا
وبيض الله وجهك تقيييمي |
صح الله لسانك شاعرنا القدير ولاهنت
قصيدة وافية وجزله والإبداع انت منبعه |
صح لسانك شاعرنا المبدع نص رائع
ولاهنت |
شاعرنا الهوآوي
صح لسآنك مليوون ولا يكفوون ويعطيك العاافيه على هالراائعه |
شاعرنا القدير
صح لسانك مليون ولا يكفون لا هنت وعساك على القوة |
صح الله لسانك يابو عبيد
مبدع وجزل وشهادتي فيك مجروحه دمت ودام ابداعك ومداد قلمك الشامخ تقديري لسموك النجلاء |
ولا فاليه الله الله يابو عبيد
دمت ودام ابداع يا جزل وصح لسانك مدد |
الساعة الآن 09:33 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir