خلوني اخذ لي مع البر مرماع
 

خلوني اخذ لي مع البر مرماع
اضني انسى ماضي الذكرياتي

اليا ذكرت البدو مع ذيك الارواع
اضعونهم واقطاعهم سارحاتي

فزيت مثل اللي من الهم مرتاع
ياعزتي للي يسوي سواتي

لاجلعوا للصيف من عقب مرباع
يحرم على عيني لذيذ المباتي

شالو على بوشً غداء له تمزاع
واهل الهوا والحب جاهم شتاتي

بوشٍ خطاه طوال ونحوره وساع
جلع بعد يبست نوات النباتي

يمسي عروق زرود من نقرة انطاع
يقطع فجوجٍ دارسه خالياتي

تزمي زهازيمه مع البيد نجاع
وراع الغنم جدواه كثر الشماتي

#___عيد بجاد بن شده

صح لسانك واعتلى شانك ياشاعرنا

الله الله
ياسلام عليك وصح الله لسانك مدد بلا عدد
ابدعت وامتعت كما تعودنا من سموك الابداع والامتاع والحضور المميز
دمت ودام مداد قلمك ورقي حرفك
تقديري لسموك
النجلاء

صح لسانك ويعطيك العافيه
نص جزل شاعرنا الرائع
تحياتي

صح لسانك يالشاعر
ابدعت وامتعت بحضورك الطاغي بالمتعه والفخامه والجزاله
دمت بود وتقدير

صح لسانك ملايين
نص جزل وفخم
مبدع وجزل شاعرنا
تقديري لك

أبيات رائعه
عيد بجاد
تسلم على روعة الطرح الجميل

الله الله
عيد بن شده
صح لسانك واعتلا شانك
مبدع وجزل شاعرنا
مروري وتقديري
لاهنت