فنجال الغـرام
السلام عليكم
ابيات متواضعه لمصافحكتم اتمني ان تجد القبول سمووو
ماني بكامل ايه لله الكمال= بس الرجال الها شواهد وخبرا اقلط على الجزله ولي فيها مجال= وان كبرت القاله مدور لي ذرا ابدي بوجهي في مواجيب الرجال= وضرب بكفي فالنهار الاقشرا مقدس الزنديق لعيون الريال=الحر مايتبع طوير الحمرا اشيل حمل(ن) يكسر ظهور الجمال=وقدم قدم من عادتي مرجع ورا ولاانت يالي غارق بحر الجمال=اللي كبير القووم قدمك يصغرا ياعزوة العتبان في هية طلال=رمشك اله هيبة مشايخ وومرا ياعين حرن مسكنه روس الطوال=ياعنق ريم(ن )من ظلااله ينفرا وردتني درب المهالك والمحال=في غير وصفك صرت ماسمع ما أرا نسيتني لبس العمامه والعقال=مابقي الا اصدع بسمك وجهرا من وين ما وجهت وجهي للشمال=الا بصلاتي وجهتي لم القرا منهو يقول الكيف في صفر الدلال=ماذاق فنجال الغرام مبهرا يا فاتنة عصرك ويالسحر الحلال=يشره على اللي بوصفك مادرا الزين واجد في حسينات الدلال= بس الثريا ما تجي عند الثرا يافالي اللي ماحصل عقبه عقال=ياسري اللي عنه مازول(ن )درا ياحلمي اللي صار تحقيقه محال=ياجرحي اللي وسط قلبي مابرا لابنت عم ولا كتبتي بنت خال= الله من حظ(ن )مغربل وقشرا انا دخيل ابوك من قل الوصال=مدام حبك فالمحاني جمرا |
مضحي السميري
لله درك من مبدع ورائع شاعر غني عن التعريف عودتنا دائمآ على الجزلات صح لسانك وعلا شانك يالغالي |
اقتباس:
مضحي السميري لاالتعليق يليق ولا الرد يفي على روعة ماوجدته هنا وعلى الجزاله اللغير مستغربة من شاعر جزل ولكن سأقول بأختصار صح لسانك وصح كلك على روعة ماأوجدته وأدام الله هذا البوح بكل خير ومعزه |
صــــــــــــــــــح لسانك اخوي مضحي على الجزاله
الله يعطيك العافيه على هذه الرائعه تقبل تحياتي |
صح لسانك اخوي مضحي قصيده جزله من رجل جزل من احساس عميق بالجزاله تقبل مروري المتواضع |
انعشت ذائقتي بهذا الجمال واسقيتني شعرا وجعلتني اعيد قرائتها مرات سلمت يامضحي تقبل المتابعه والسلام |
اقتباس:
ســم الله عدووووك رااااقي يالسميري صح لسانك وبيض الله وجهك .. أحترامي |
[
مضحي السميري لاالتعليق يليق ولا الرد يفي على روعة ماوجدته هنا وعلى الجزاله اللغير مستغربة من شاعر جزل \ والله ماعندي زود عن الكلام ذا.......؟ اتمنى اني عبرت اللي في بالي |
الساعة الآن 08:07 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir