شبكة رواسي نجد الأدبية - قالو تفــــــكر

شبكة رواسي نجد الأدبية (https://www.r111n.com/index.php)

- تاج القصيد (https://www.r111n.com/forumdisplay.php?f=5)

- - قالو تفــــــكر (https://www.r111n.com/showthread.php?t=39214)

اقتباس:

المشاركة الأصلية كتبت بواسطة لقيت روحي (المشاركة 531532)

https://3.bp.blogspot.com/-sqpqdy1uq...0/mte0mduq.jpg
http://g.udn.com.tw/upfiles/b_he/hed...11430687_1.jpg

قالو تفكر
/
\
/

قالو ...تــــــــــــفكر

قلت بالزين افكر

ومن فارق المزيون ما عاش بالزين

قـــــــــالو عشـــــــــــقت

وقلت انا الحب ما طقت

وقعت في حبه عسى ربي يعيين

قالو وش اسمه

قلت انا اوصاف رسمه

من القدم .. للقد ...والخد .... والعين

قالو تحبه

قلت ربي وربه

يعلم بما في القلب للزين من لين

قالو لي قوله

قلت ماني بحوله

وحبه زرع في وسط قلبي بساتين

قالو تدله

قلت ما صرت خله

ما زلت انا اجهل له ديار وعناوين

قالو عرفته

قلت بالنت شفته

صدفه جميله وولدت حب شخصين

قالو احروفه

قلت تمنع ضروفه

مقدر اقول الحرف لو كان جافين

قالو تواصل

قلت ماهو بحاصل

لو كان بيدي اصله لو ورى الصين

قالو لي جرب

قلت اخاف اخرب

جربت وزاد الصد واقفيت من حين

قالو لي باعد

قلت يارب ساعد

وشلون اباعد ونار الاشواق تكوين

قالو تدارك

قلت قلبي تشارك

في كل نبضات الغلا يطري الزين

قالو لي حاول

قلت حبه تطاول

احروف اسمه داخل الدم ماشين

قالو تصرف

قلت ليت نتعرف

بس الحبيبه وين وانا بعد وين

قالو لي سيبه

قلت ربي يجيبه

وشلون اسيب اللي غلاها مسلين

قالو تصبر

قلت جوى تغبر

لا جيت ابي اصبر زادني الشوق شوقين

قالو تأنى

قلت قلبي تمنى

ربي يجيبه و يسكن الحب قلبين

::::::::::::::::::::::::::::::::::

مع خالص تحياتي وتقديري لكم

محبكم
الرويلي

لقيت روحي

إبدااع من نوع آخر,صح لسانك ملياااار
نص عذب وممتع,يستحق الحفظ والقراءه مرار وتكرار

دمت وداام ابدااعك,’’

اشكر كل من زارنا هون

وباذن الله لي عوده لاشكر كلا باسمه

تقديري لكم

الله الله
شاعرنا المبدع الرويلي
صح لسانك مليون يالمبدع
نص عذب وجميل جداً
دمت بخير

الرويلي

صح لسانك حتى ترضى

قصيده عموديه على المسحوب كتبت بعذوبه وفن باسلوب شعر التفعيله

تمتاز بسلاسة البناء وجمال ايصال الفكره

دمت متألقا واصل ابداعك ايها الشاعر الجميل

تقييمي واحترامي

اقتباس:

المشاركة الأصلية كتبت بواسطة خيال مطير (المشاركة 531585)

صح لسانك

وبيض الله وجهك

صح بدنك يا خيال مطير

ربي يسعدك يالامير

تقديري لك

قالو عرفته

قلت بالنت شفته

صدفه جميله وولدت حب شخصين

هذا بلا ابوك ياعقاب ههههههه

صح لسانك وجمل الله حالك على الابيات العذبه يالعذب

اقتباس:

المشاركة الأصلية كتبت بواسطة لقيت روحي (المشاركة 531532)

الله الله
ياسلام عليك وصح الله لسانك شاعرنا
كايفه ونايفه ورائعه
دمت ودام مداد قلمك ورقي حرفك
تقديري وتقييمي لسموك
النجلاء

اقتباس:

المشاركة الأصلية كتبت بواسطة رحيل (المشاركة 531756)

الله الله عليك لقيت روحي
صح لسانك لين ترضى على الرائعة والفاخرة
لله درك

رحيل الف شكر يالاميره علي حضورك وزيارة متصفحي

تقديري لك